Xarici KİV-in verdiyi məlumata görə, İranın Xarici İşlər Nazirliyinin sözçüsü “Nasir Kənani”, sionist rejiminin bugün (çərşənbə axşamı) sübh çağına yaxın bir vaxtda Suriyada Hələb Beynəlxalq Hava Limanına təcavüzkar və qeyri-insani hücumunu şiddətlə pisləyib. O, beynəlxalq qrumlardan bu rejimin cinayətlərini dayandırmaq üçün təcili və təsirli addımlar atmalarını istəyib.
Kənani, deyib: Hələbdə zəlzələdən zərər çəkmiş suriyalılar çətin şəraitdə yaşadıqları halda sionist rejimi, beynəlxalq yardımların çatdırılması üçün əsas yol olan Hələb hava limanını hədəf alıb. Bu, bəşəriyyət əleyhinə olan cinayətin aşkar nümunəsidir.
Xarici İşlər Nazirliyinin sözçüsü, əlavə olaraq deyib: Təəssüflər olsun ki, bəzi ölkələr, Qərbə bağlı təşkilatlar və insan haqları təşkilatları cinayətkar sionist rejiminin Suriyaya qarşı vəhşi və qeyri-insani hücumlarının davamına nisbətdə sakit dayanıblar. Bu sükut, təcavüzkar, insan haqlarını və beynəlxalq qayda-qanunları pozan bu rejimi təşviq etmə nümunəsidir.
Suriya mediyaları bugün sübh çağına yaxın bir vaxtda ölkənin ordusundakı hərbi mənbələrə istinadən İsrail rejiminin Hələb Beynəlxalq Hava Limanına raket hücumu barədə xəbər verib.
Bu mənbənin bildirdiyinə görə, hücum, Dəməşq vaxtı ilə 2:07-də baş baş verib. İsrail rejiminin qırıcı təyyarələri Aralıq dənizi və Latakiyada tərəfdən raket atmağa başlayıblar. Bu da hava limanının uçuş xəttinə zərər vurub və növbəti bildirişə qədər hava limanı xidmət göstərmə qüdrətində olmayacaq.
Suriya Nəqliyyat Nazirliyi bu gün bir bəyanatda bildirib ki, İsrail rejiminin Hələb Beynəlxalq Hava Limanına raket hücumu, hava limanına zərərlə nəticələnib. Suriyanın şimalında zəlzələdən zərər çəkmişlərə hümanitar yardımlar bu hava limanı vasitəsi ilə əldə edilirdi.
Xarici KİV-in verdiyi məlumata görə, bu hadisənin ardınca qərara alınıb ki, növbəti bildirişə və Hələb hava limanının təmir olunmasına qədər Dəməşq və Latakiya hava limanları bu hava limanını əvəz etsinlər.