Xan Yunisdəki fələstinli bir rəsmi şəxs xüsusən şəxsi təmizlik üçün ciddi su çatışmazlığını nəzərə alaraq, qaçqınlar və yerli sakinlər arasında yoluxucu xəstəliklərin yayılma ehtimalının olduğunu açıqlayıb.
Xarici KİV-in verdiyi məlumata görə, Qəzzə zolağındakı Xan Yunis Bələdiyyəsinin mətbuat xidmətinin rəhbəri “Saib Ləqqan” sionist rejiminin qəsdən yerinə yetirdiyi hücumlar nəticəsində şəhərin müxtəlif strukturlarında, xüsusən də su şəbəkələrində meydana gəlmiş ziyanların və dağıntıların həcminin təvəssür olunan həddən daha yuxarı olduğunu bildirib.
Ləqqan əlavə edib: İşğalçılar Xan Yunis şəhərində mövcud olan 37 su quyusundan 26-sını, yəni bu su quyularının 70%-dən çoxunu 220 km su şəbəkəsi ilə birlikdə dağıdıblar.
O, bu dağıntıların Xan Yunis əhalisinə xidmət göstərilməsinə ciddi şəkildə təsir göstərdiyini bildirərək deyib: Xan Yunisdə, xüsusən də qərb bölgələri və əl-Məvasi bölgəsindəki 1 milyon 200 min vətəndaş və köçkün məişət istifadəsi üçün təhlükəsiz su çatışmazlığından əziyyət çəkir.
Ləqqan, həmçinin bildirib: Biz Xan Yunis Bələdiyyəsində Beynəlxalq Qırmızı Xaç Komitəsi və Su İşləri Təşkilatının əməkdaşlığı ilə dəniz suyunun şirinləşdirilməsi stansiyasını qurduq. Amma çoxsaylı ehtiyaclar üzündən çoxlu çətinliklərlə qarşı-qarşıyayıq və xüsusən şəxsi təmizlik üçün ciddi su çatışmazlığını nəzərə alaraq, qaçqınlar və yerli sakinlər arasında yoluxucu xəstəliklərin yayılma ehtimalı var.
Bununla əlaqədar olaraq, Qəzzə Dövlət İnformasiya Ofisinin baş katibi “İsmail əs-Səvabitə” vurğulayıb: Qəzzə zolağı fəlakət zonasına çevrilib.
Sionist rejimi ötən Oktyabr ayının 7-dən etibarən, Amerikanın dəstəyi ilə Qəzzəyə qarşı viranedici müharibəyə başlayıb. Bu rejim indiyə qədər 131 mindən çox insanın şəhid olması və yaralanmasına səbəb olub ki, onların da əksəriyyəti qadın və uşaqlardır. Bundan əlavə, 10 mindən çox insan da itkin düşmüşlər arasındadır.