HƏMAS hərəkatı sionist rejiminin Xan Yunisdəki yeni cinayəti və bu şəhərdə 5 qaçqın sığınacağının bilərəkdən bombalaraq çoxsaylı Fələstin vətəndaşının öldürülməsi barədə məlumat verib.
Xarici KİV-in verdiyi məlumata görə, HƏMAS dünən (22 yanvar, bazar ertəsi) sionist rejiminin Xan Yunisdə yeni cinayət törətdiyini açıqlayıb və bildirib ki, işğalçı ordu 5 qaçqın sığınacağını birbaşa və bilərəkdən bombalayıb.
Verilən məlumata görə, HƏMAS fələstinlilərin Xan Yunisdəki sığınacaqlarının bombalanması zamanı onlarla insanın şəhid oduğunu və yaralandığını bildirib. Ordu Fələstin vətəndaşlarından bu mərkəzlərə sığınmalarını istəmiş və bu mərkəzlərin təhlükəsiz olduğunu iddia etmişdi, amma bu dəhşətli cinayəti bundan sonra törədib.
HƏMAS hərəkatı BMT-dən və beynəlxalq ictimaiyyətdən dinc fələstinlilərə qarşı dəhşətli cinayətlərin davam etməsinin siyasi və tarixi məsuliyyətini öz öhdələrinə götürmələrini istəyib. Həmçinin bütün azad və azadlıq dəyərlərinə vəfalı olan ölkələrdən istəyib ki, işğalçı rəhbərlərin beynəlxalq məhkəmələrdə mühakimə olunmaları və məsuliyyətə cəlb olunmaları üçün addım atsınlar.
Bu məlumata əsasən, sionist rejimi dünən, həmçinin xəstələri və fələstinli qaçqınları qorxutmaq və onları xəstəxanadan çıxmağa vadar etmək üçün Xan Yunisdəki Nasir xəstəxanasının ətrafını bombalayıb.
Dünən səhər də işğalçı hərbiçilər Qəzzə zolağının cənubundakı Xan Yunis şəhərindəki bir yaşayış məntəqəsini tamamilə partlatmaqla bayram ediblər.
Əlaqədar xəbərlər
