Suriya Müdafiə Nazirliyi İsrail qırıcılarının Suriyanın qərbində yerləşən Banyas şəhərinə hücumunda bir qız uşağının şəhid olduğunu və azı 10 nəfərin isə yaralandığını açıqlayıb.
Suriya Müdafiə Nazirliyindəki mənbə dünən axşam, İsrail rejiminin Homs vilayətinə və Suriyanın qərbində yerləşən Banyas şəhərinə hücumu barəsində mediaların hesabatını təsdiqləyib.
Yerli Suriya mənbələri İsrail qırıcılarının Homs vilayətinin şərqindəki “əl-Fərqəls” məntəqəsinə və Suriyanın qərbindəki Banyas şəhərinə hücumundan bir neçə saat əvvəl xəbərdarlıq etmişdilər.
Xaric KİV-in verdiyi məlumata görə, dünən yerli vaxtla 19:30 radələrində İsrail qrıcıları Livan torpaqları istiqamətindən Suriyanın mərkəzi bölgəsindəki (Homs və Həmah) bir mövqeyi və Banyas şəhərindəki bir yaşayış mənzilini hədəf seçiblər. Bunun ardınca da, 1 qız uşağı şəhid olub və digər 10 nəfər mülki şəxs isə yaralanıb.
Bu məlumatda, həmçinin qeyd olunan tikililərə zərər dəydiyi bildirilib.
Digər bir xəbər agentliyi Suriyanın Tərtus şəhərindəki müxbirinə istinadən yaralıların sayının 15 nəfər olduğunu açıqlayıb.
Rusiya xəbər agentliklərindən biri də bu barədə bildirib ki, İsrail qırıcılarının Homs vilayətinə hücumunda Suriya ordusunun bir neçə maşını hədəfə alınıb. Buna baxmayaraq, Suriya Müdafiə Nazirliyi bu xəbəri təsdiqləməyib.