Suriyanın rəsmi mənbələri sionist rejimin Suriyanın Palmira şəhərinə hava hücumu zamanı 80-dan çox insanın şəhid olması və yaralanması barədə məlumat veriblər.
Xarici KİV-in verdiyi məlumata əsasən, Suriyanın rəsmi xəbər agentliyi sionist rejimin Palmira məntəqəsinə hava hücumunda 36 nəfərin şəhid olduğunu açıqlayıb.
Suriyanın rəsmi xəbər agentliyi hərbi bir mənbəyə istinad edərək yazıb: Bugün saat 13:30 radələrində düşmən İsrail ən-Tənf məntəqəsinə hücum edib və bir neçə binanı hədəfə alıb. Bu da, 36 nəfərin şəhid olması və 50-dən çox insanın isə yaralanması ilə nəticələnib.
Qeyd olunan mənbə bildirib ki, sionist rejimin bu hücumunda hədəfə alınmış binalara və ətraf məntəqəyə böyük ziyan dəyib.