Livan mənbələri İsrail rejiminin Livanın Xəldə şossesində bir avtomobilə pilotsuz təyyarə ilə hücumu nəticəsində 1 nəfərin öldüyünü və 3 nəfərin yaralandığını bildirib.
Xarici KİV-in cümə axşamı verdiyi məlumata görə, sionist rejimin pilotsuz təyyarələri Livana yeni hücumlar təşkil ediblər və Livanın cənubundakı Xəldə şossesində bir avtomobili hədəf alıblar.
Livan Səhiyyə Nazirliyinə bağlı Təcili Tibbi Yardım Mərkəzi İsrail rejiminin Xaldə şossesində bir avtomobilə endirdiyi hava zərbəsi zamanı bir nəfərin öldüyünü, üç nəfərin isə yaralandığını açıqlayıb.
Bu arada İsrail ordusunun sözçüsü Aviçay İdraei ordunun Livanda Tel-Əvivə qarşı hərəkətə keçən şəxsi hədəf aldığını iddia edib.
Xəbər agentliklərindən birinin müxbiri İsrail hərbiçilərinin Ruvasat əl-Aləm bölgəsindən Livanın cənubundakı Kəfr Şuba istiqamətində atəş açdığını bildirib.
Məlumata görə, İsrail rejimi ilə Livan Hizbullahı arasında atəşkəs razılaşmasından sonra İsrail rejimi ordusu dəfələrlə onu pozub və nəticədə çoxlu sayda Livan vətəndaşı şəhid olub və yaralanıb.
Sionist rejim ilə Livan arasında beynəlxalq vasitəçiliklə əldə olunan atəşkəs Noyabrın 27-si çərşənbə günü səhər saatlarında qüvvəyə minib.