Livan Səhiyyə Nazirliyi sionist rejiminin 8 Oktyabrdan 5 Dekabra qədərki hücumları zamanı azı 94 mülki şəxsin şəhid olduğunu və digər 406 nəfərin isə yaralandığını bildirib.
Xarici KİV-in verdiyi məlumata görə, livanlı rəsmilər bildirirlər ki, Oktyabrın 8-dən indiyədək azı 94 nəfər İsrailin Livana qarşı hücumları zamanı şəhid olub.
ABŞ kanallarından biri, hesabat verərək bildirib ki, Livanın Səhiyyə Nazirliyinin sözlərinə görə, Oktyabrın 8-dən Dekabrın 5-ə qədər “İsrailin Livanın cənubuna təcavüzü” nəticəsində azı 94 nəfər şəhid olub və 406 nəfər yaralanıb. Çərşənbə günü dərc olunan hesabata əsasən, bu Nazirlik əlavə edib: Yaralıların 92%-i kişi və 96%-i livanlıdır.
Eyni zamanda, Livan dövlət xəbər agentliyi də cümə axşamı günü bildirib ki, Livan Fəlakət Riskinin İdarə Edilməsi Bölməsi çərşənbə gününədək Livanın cənubunda yerləşən Sur bölgəsinin kəndlərindən olan 20 000 qaçqın qeydə alıb. Bu xəbər agentliyinin sözlərinə görə, bu qaçqınlar Sur şəhərindəki 5 sığınacaq arasında bölüşdürülüblər. Bununla belə, minlərlə digər insan da digər bölgərə köçüb və adlarını Fəlakət Riskinin İdarə Edilməsi Bölməsində qeyd etməyiblər.
Digər tərəfdən də, Livan Fəlakət Riskinin İdarə Edilməsi Bölməsi xidmət göstərilməsi üçün resursların az olduğunu bəyan edərək bildirib: “Mülki şəxslərin İsraillə həmsərhəd olan 40-a yaxın kəndə qayıtması hələ də təhlükəlidir.”
Livanın yerli mediaları cümə axşamı səhər saatlarına yaxın, sionist rejiminin qırıcıları və dronlarının Livanın cənubundakı “Əyta əl-Əşəb” və “Əytrun” qəsəbələri ətrafına hücum etdiklərini bildiriblər. Ondan əvvəlki gecə də işğalçı rejimin ordusu “Əl-Xəyyam” bölgəsinin cənubunda yerləşən “Təllətul-Həmamis”-ə tərəf çoxlu məşəl, artilleriya mərmiləri və forforlu sursatlar atıblar.