İsrail 2025-ci il iyunun 5-i, cümə axşamı günü Beyrutun cənub bölgələrinə, xüsusilə Zahiyə ətrafına qarşı genişmiqyaslı hava hücumları həyata keçirib.
Xarici KİV-in verdiyi məlumata görə, bu, ötən ilin Noyabr ayında Hizbullahla atəşkəs razılaşmasından sonra İsrail rejiminin Livannın paytaxtına qarşı həyata keçirdiyi dördüncü hücumdur və Livan rəsmilərinin sözlərinə görə, atəşkəsin başlanmasından bəri ən böyük hücum hesab olunur.
Xəbər agentliklərindən biri bildirib ki, İsrail ordusu hücumdan əvvəl Beyrutun cənubundakı Hədəs, Harrə Hərik və Burc əl-Bəracinə bölgələrində məcburi təxliyə əmri verib.
Agentliyinin məlumatına əsasən, dörd sıx məskunlaşmış məhəllədə səkkiz bina hücum hədəfi olub və hücumların intensivliyi bölgə sakinlərinin hamısının qaçmağa məcbur qalmasına səbəb olub. Zahiyə üzərində qalxan qalın tüstü və sakinlərin qaçışı nəticəsində yaranan ağır nəqliyyat sıxlığı bu hücumların miqyasını göstərir.
Siyasi analitik Rami müsahubəsində bildirib ki, bu hücum “təəccüblü deyildi”. Çünki İsrail rejimi son aylarda bölgədə hədəfli sui-qəsdləri davam etdirir. O, bu hücumları İsrailin atəşkəsi davamlı şəkildə pozması nümunəsi kimi qiymətləndirib.
Eyni zamanda, cümə axşamı axşam saatlarında İsrail rejimin ordusu Livanın cənubundakı Sidon şəhərinin şərqində yerləşən Ayn Qana kəndinin sakinlərinə xəbərdarlıq edib ki,iki xüsusi binadan uzaq dursunlar, bu da həmin bölgələrə qarşı yaxın zamanda yeni hücumların olacağına işarə edir.
İsrail hücumlarının Hizbullah mövqelərinə qarşı olduğunu iddia etsə də, bu hərbi əməliyyatlar nəticəsində genişmiqyaslı insan köçü və mülki əhaliyə ciddi ziyan baş verib.