Bazar ertəsi gecəsi, sionist rejimin ordusunun güclü hücumları, mülki insanları və yaşayış binalarını hədəf alması nəticəsində 50 fələstinli şəhid oldu.
Xarici KİV-in verdiyi məlumata görə, işğalçı İsrail ordusunun bazar ertəsi gecəsindən Qəzzə zolağının müxtəlif bölgələrinə həyata keçirdiyi silsilə hava hücumları və artilleriya hücumları nəticəsində qadın və uşaqlar da daxil olmaqla azı 50 fələstinli şəhid olub, onlarla yaralının vəziyyəti isə ağırdır.
Hesabata görə, bu hücumlar Qəzzə zolağının cənubunda, mərkəzində və şimalında, eləcə də Qəzzə şəhərində yaşayış məhəllələrini, sığınacaqları və mülki yaşayış məntəqələrini hədəf alıb. Hücumlar, həmçinin bu ərazilərdə humanitar fəlakəti daha da gücləndirib və yeni yerdəyişmə və dağıntı dalğasına səbəb olub.
Qəzzə zolağının cənubunda, Rəfəhin qərbində Amerika şirkətinin idarə etdiyi yardım mərkəzinin yaxınlığında İsrail rejimi ordusunun açdığı atəş nəticəsində 4 mülki şəxs şəhid olub.
Xan Yunisdə Salahəddin küçəsində İsrail ordusunun bombardmanı nəticəsində daha əvvəl ağır yaralanan iki fələstinli də şəhid olub.
İsrail ordusunun Xan Yunisin şərqindəki Cura əl-Lut bölgəsini atəşə tutması nəticəsində bir fələstinli, şəhərin şərqində isə pilotsuz təyyarənin endirdiyi zərbə nəticəsində daha 4 fələstinli şəhid olub.
İsrail rejiminin Qəzzə zolağının mərkəzində əz-Zuveydanın qərbində yerləşən əş-Şəlihat küçəsində əl-Bureyc bələdiyyə sədrinin avtomobilinə endirdiyi hava zərbəsi nəticəsində bir fələstinli də şəhid olub, bir neçə nəfər isə yaralanıb.
Deyr əl-Bələhdə əl-Aişiyyə məktəbinin üçüncü mərtəbəsini hədəf alan İsrail hava hücumunda iki fələstinli, şəhərin cənubundakı Ummu-Zahir bölgəsinin bombardmanı nəticəsində isə iki fələstinli şəhid olub.
Qəzzə şəhərində 23 yaşlı bir fələstinli İsrail ordusuna məxsus pilotsuz təyyarənin şəhərin cənub-qərbindəki əd-Dəhduh meydanı yaxınlığında yerləşən əz-Zeytun məhəlləsinin şərqindəki Musəb bin Umeyr bölgəsindəki evlərinə edilən hava hücumunda isə bir ailənin 5 üzvü şəhid olub.
Qəzzə şəhərinin cənub-qərbindəki sənaye bölgəsi yaxınlığındakı evlərinə edilən hava hücumunda daha bir ailənin 5 üzvü də şəhid olub.
Qəzzə zolağının şimalında, İsrail ordusunun Cəbaliya qaçqın düşərgəsinin qərbində yerləşən Fəllucə bölgəsinin bir qrup sakinini hədəfə aldığı atəş nəticəsində 4 fələstinli şəhid olub.
İsrail rejimi ordusunun Cəbaliya əl-Bələddəki köhnə Qəzzə küçəsini artilleriya atəşinə tutması nəticəsində 14 fələstinli də şəhid olub.
Qəzzənin şimalında ən-Nəccar küçəsində Cüneydlərə məxsus binanın atəşə tutulması nəticəsində 2 fələstinli də şəhid olub, bir neçə nəfər isə yaralanıb.
Əlaqədar xəbərlər
