Xəbər agentliklərindən biri bugün səhər verdiyi hesabatda sionist rejimin son bir gün ərzində Qəzzə zolağına olan hücumlarında azı 40 fələstinlinin şəhid olduğu və yaralandığını bildirib.
Fələstin mənbələri çərşənbə axşamı günü sionist ordusunun Qəzzə zolağının müxtəlif yerlərinə qarşı təcavüzkar hücumlarının davam etdiyi barədə məlumat veriblər.
Qəzzə zolağındakı xəstəxana resurslarına istinadən verilən məlumatda qeyd olunub: “Bazar ertəsi günündən Qəzzə zolağının müxtəlif bölgələrinin bombalanması zamanı şəhid olanların sayı 32 nəfərə çatıb.”
Verilən məlumatda, həmçinin bildirilib: “Sionist rejimin Qəzzə şəhərində yerləşən qızıl bazarının yaxınlığındakı bir yaşayış binasına hücumu 4 nəfərin, o cümlədən 2 qadın və 1 uşağın şəhid olması və bir neçə nəfərin isə yaralanması ilə nəticələnib.”
Qəzzə zolağındakı xəbər agentliyinin müxbiri deyib: “Sionist rejimin artilleriyası Qəzzə zolağının şimalında yerləşən Beyti Lahiya şəhərini hədəfə alıb. Bundan əlavə, Qəzzə şəhərinin cənub-şərqində yerləşən “əz-Zeytun” məhəlləsindəki bir mənzilin işğalçıların təyyarələri tərəfindən bombalanması nəticəsində bir neçə fələstinli şəhid olub və yaralanıb.”
Əlaqədar xəbərlər
