İşğalçı İsrail ordusu Qəzzə zolağındakı balıqçılar və qaçqınların dənizə girişini məhdudlaşdırır və bu da mühasirədə olan Qəzzə sakinlərinin vəziyyətini daha da ağırlaşdırır.
İsrail ordusunun Qəzzə zolağının əl-Məvasi bölgəsində sakinləri qərbə köçməyə məcbur etməsi səbəbindən Qəzzənin cənub sahilləri zolaqdakı qaçqınlar və sakinlərin yeganə çıxış yoluna çevrilib.
Dəniz İsrail ordusunun hücumları və təxliyə əmri nəticəsində qaçqınlar üçün yeganə təhlükəsiz sığınacaqdır. Lakin İsrail rejimi mülki şəxslərə, xüsusən balıqçılara, dalğıclara və qaçqınlara yeni məhdudiyyətlər tətbiq edib və onları dənizə çıxmaqdan, həm balıq tutmaq, həm də digər məqsədlərlə istifadə etmələrindən məhrum edib.
İşğalçı rejim balıqçıların dənizə çıxaraq dolanışıq mənbəyini təmin etməsinə mane olur. Bu isə onların həyatını çox çətinləşdirir. Balıqçılar dolanışıq üçün dənizə bağlıdır, amma indi İsrail ordusunun dənizi bağlaması vəziyyəti dözülməz edib. Onlar dənizə çıxa bilmirlər, çünki hücum təhlükəsi altındadırlar.
Balıqçılar İsrailin, xüsusilə döyüş gəmilərinin hücumları nəticəsində məhv edilmiş balıq torlarını hazırlamaq və açmaqda çətinlik çəkirlər. Nəticədə, Qəzzə sahillərində yaşayan mülki şəxslər və qaçqınların həyatı çox çətinləşib. Dəniz İsrail ordusunun əmrləri və məhdudiyyətləri səbəbindən dolanışığını dənizdən təmin edən qaçqınlar və balıqçılar üçün istifadəyə yararsızdır. Dəniz tamamilə İsrailin Qəzzə zolağına hücumlarından zərər görmüş qaçqın fələstinli sakinlərin üzünə bağlanıb.