İsrail rejiminin atəşkəsi və Livanın suverenliyini pozmasının davamı olaraq, rejim ordusuna məxsus pilotsuz uçan aparat Livanın Nəbatiyyə vilayətində bir avtomobilə hücum edib.
Livanın Milli Xəbər Agentliyinin verdiyi məlumata görə, İsrail rejiminin pilotsuz təyyarəsi bu gün günorta saatlarında Livanın cənubundakı Nəbatiyyə əyalətinin əş-Şərqiyyə və ən-Numeyriya kəndləri arasındakı yolda bir avtomobilə üç idarə olunan raket zərbəsi endirib.
Hücum nəticəsində 1 nəfər ölüb, 5 nəfər yaralanıb, lakin qurbanın kimliyi ilə bağlı təfərrüatlar hələlik açıqlanmayıb.
Eyni zamanda İsrail ordusunun artilleriyası da Livanın cənubundakı əl-Xəyyam şəhəri ətrafındakı əraziləri fasilələrlə atəşə tutub.
İsrail rejimi 2024-cü il Oktyabrın 1-də Livana təcavüzə başlayıb və iki aydan sonra ABŞ-ın vasitəçiliyi ilə 7 Dekabr 2024-cü il çərşənbə günü atəşkəs imzalayıb. Lakin İsrail rejimi tərəfindən atəşkəs rejiminin onlarla dəfə pozulmasına baxmayaraq, Donald Trampın ABŞ administrasiyası tərəfindən heç bir təsirli cavab tədbiri görülməyib.
Həmin razılaşmaya görə, İsrail ordusu 60 gün ərzində Livanın cənubundan çəkilməli idi, lakin İsrail beynəlxalq qanunlara zidd olaraq, qüvvələrini Livanın cənubundakı 5 strateji nöqtədə saxladı və ərazini tərk etmədi.
Razılaşmanın imzalanmasından bu yana İsrail rejimi dəfələrlə atəşkəsi pozaraq Livanın cənubunu hava və artilleriya hücumları ilə hədəfə alıb və bu hərəkətlər ölkədaxili və regional səviyyədə geniş qınaqla qarşılanıb.