İsrail qırıcıları Qəzzə zolağında fələstinli qaçqınların məskunlaşdığı digər bir məktəbi bombalayıblar.
Qəzzə zolağındakı tibb işçiləri yerli mənbələrə bildiriblər ki, sionist rejiminin dünən səhər (bazar günü) əş-Şati düşərgəsinin qərbində yerləşən “Kəfər Qasim” məktəbinə hücumunda azı 7 nəfər şəhid olub.
Verilən məlumata əsasən, bu məktəbdə onlarla fələstinli qaçqın məskunlaşmışdı. Xilasetmə qüvvələri şəhid və yaralıları xəstəxanalara çatdırmağa çalışıblar.
Fələstin mediaları bu hücumda yaralananların sayının dəqiq bilinmədiyini açıqlayıb.
Xarici KİV-in verdiyi məlumata görə, hadisədən qısa müddət sonra Qəzzə İctimai Rifah və Mənzil Nazirliyinin baş direktoru “Macid Saleh” bu hücumda şəhid olub.
İsrail rejiminin ordusu ötən həftələrdə Qəzzə zolağında bir neçə məktəbə hücum edib və onlarla fələstinli mülki şəxsin həyatına son qoyub.
Sionist ordusu bu hücumların birində BMT-nin Fələstinli Qaçqınlara Yardım və İşlər üzrə Agentliyinin (UNRWA) 6 əməkdaşını öldürüb.
UNRWA işğalçıların hücumu zamanı həyatını itirənlər arasında agentliyin sığınacaq rəhbəri və fələstinli qaçqınlara yardım edən bir neçə işçi qüvvəsi də olub.