İsrail rejiminin Qəzzədə atəşkəs sazişinin icrasını dayandırdığı bir vaxtda bu rejimin ordusu dünən səhər Qəzzədə 2 fələstinlini şəhid edib.
Xarici KİV-in verdiyi məlumata görə, sionist rejimin ordusu Qəzzə zolağının cənubunda yerləşən Rəfəh şəhərinin mərkəzində 2 fələstinlinin həyatına son qoyub. Eyni zamanda İsrail rejiminə aid dronlar və hərbi maşınlar Qəzzə zolağının cənub və şimalında bir neçə bölgəyə hücum edib.
Halbuki, sionist rejimi ötən ay fələstinli qruplarla atəşkəs razılaşmasını qəbul edib. Buna baxmayaraq, sionist rejimin baş nazirinin ofisi bazar günü razılaşmanın müddəalarına zidd olaraq Qəzzəyə humanitar yardımların göndərilməsinin qarşısını alacağını və atəşkəsin icra olunmasına mane olacağını açıqlayıb.
Məlumatlara əsasən, sionist rejimin helikopterlərindən biri dünən Qəzzə zolağının cənubunda yerləşən “əl-Məvasi” məntəqəsi istiqamətində azı 2 raket atıb ki, bu da 3 fələstinlinin yararlanmasına səbəb olub.
Həmçinin İsrail rejiminin ordusu Qəzzə zolağının şimal hissələrinə atəş açıblar. Bundan əlavə, Qəzzə sakinləri sionist rejimin helikopterlərinin Qəzzə sahillərinin yaxınlığındakı atəşlərinə şahid olublar.