Avropa-Aralıq dənizi İnsan Haqları İzləmə Təşkilatı İsrail rejiminin Qəzzənin cənubunda yerləşən Xan Yunisdəki Məvasi məntəqəsində fələstinli qaçqınların çadırlarını birbaşa bombaladıqdan sonra fələstinli köçkünlərin çadırlarında diri-diri yandıqlarını açıqlayıb.
Avropa-Aralıq dənizi İnsan Haqları İzləmə Təşkilatı bu hücumda əksəriyyəti uşaqlardan ibarət olan 20 fələstinlinin şəhid olduğu, digər 18 nəfərin isə yaralandığı və yanıq xəsarətləri aldığı barədə məlumat verib.
Verilən məlumatda bildirilib ki, Dekabrın 4-də İsrail rejiminə aid qırıcılar və bir helikopter Xan Yunisdə yerləşən və İsrail rejiminin təhlükəsiz humanitar zona olduğunu iddia etdiyi Məvasi məntəqəsindəki qaçqın çadırlarına bir neçə raket atıblar. Bu hücumda köhnəlmiş çadırlarda olan köçkünlər yanıblar.
Avropa-Aralıq dənizi İnsan Haqları İzləmə Təşkilatı açıqlamasında bildirib ki, bu bombardman əməliyyatlarının təfərrüatları İsrail ordusunun qəsdən mülki insanlara ziyan vurmaq istədiyini göstərir.
Bu təşkilatın komandası uşaqların yanmış və parçalanmış cəsədlərinin qalıqlarının dağıntılar altından çıxarılması ilə bağlı dəhşətli səhnələri izləyib və qeyd edib ki, bu hadisə İsrailin misli görünməmiş vəhşiliklərinin göstəricisidir, hansı ki, bu rejim yüz minlərlə köçkünün olduğu izdihamlı məntəqədə yandırıcı bombalardan istifadə edir.
Adı çəkilən təşkilat hadisənin ümumi kütləvi qırğın cinayəti olduğunu vurğulayıb.