İsrail ordusu çərşənbə günü Qəzzə zolağında BMT-nin klinikasına hücum edərək, bir neçə uşaq da daxil olmaqla, bir neçə fələstinli mülki şəxsi qətlə yetirib.
Fələstin mənbələri İsrail ordusunun artilleriyasının Qəzzə zolağının şimalında, Cəbaliya düşərgəsindəki UNRWA agentliyinə məxsus klinikaya hücum etdiyini bildirib.
İlkin məlumatlara görə, hücumda ən azı 10 fələstinli mülki şəxs həyatını itirib.
Qəzzə Mülki Müdafiə Təşkilatındakı mənbə bildirib ki, hücumun qurbanlarının əksəriyyəti uşaqlardır.
2023-cü ilin Oktyabr ayından İsrail ordusu Qəzzə zolağında 50.600-dən çox fələstinlini öldürüb, 115.000-dən çoxunu isə yaralayıb.
Bununla belə, Qəzzə Səhiyyə Nazirliyi çoxlu sayda fələstinli şəhidin hələ də dağıntılar altında və müharibə şəraitində əlçatmaz olan küçələrdə qalması səbəbindən şəhidlərin sayının açıqlanan rəqəmlərdən xeyli çox olduğunu bildirib.