İsrail ordusu Qəzzədə “Ümumdünya Mərkəzi Mətbəx” təşkilatının (qida paylanması üçün qeyri-hökumət təşkilatı) əməkdaşlarını daşıyan maşını hədəfə alıb və bu təşkilatın fələstinli olmayan 7 üzvünü öldürüb.
Xarici KİV-in verdiyi məlumata görə, Ümumdünya Mərkəzi Mətbəx Təşkilatı (WCK) sionist rejimi ordusunun Aprelin 2-də səhər bu təşkilatın Qəzzə zolağındakı əməkdaşlarına hücumundan sonra bəyanat verərək, əməkdaşlarından 7 nəfərin öldürüldüyünü bildirib.
Xarici KİV-in verdiyi məlumata əsasən, bu təşkilat bəyanatında bildirib ki, bundan öncə İsrail ordusu ilə lazımı həmahənglik əldə edilməsinə rəğmən, yardım qrupu anbardan çıxdıqdan sonra hücuma məruz qalıb.
Bəyanatda deyilir ki, iki zirehli və üzərində bu təşkilatın nişanı dərc olunan bir maşın məntəqələrin birində tərksilah edilib, Qəzzədə İsrail ordusu tərəfindən hücuma məruz qalıb.
Ümumdünya Mərkəzi Mətbəx Təşkilatı öldürülənlərin avstraliyalı, polşalı və ingiltərəli olduqlarını, bəzilərinin isə ABŞ, Kanada və Fələstinin ikili vətəndaşlığına sahib olduqlarını bildirib.
Bu təşkilat sonda qida paylanmasına dair lazımı qərarlar qəbul edilənə qədər Qəzzədə qida paylama prosesini müvəqqəti olaraq dayandıracağını açıqlayıb.
İlk dəfə deyil ki, İsrail ordusu beynəlxalq təşkilata hücum edir. İsrailli qüvvələr son günlərdə Livanın cənubunda BMT-nin sülhməramlı qüvvələrinə (UNIFIL) aid bir maşına da hücum ediblər və nəticədə BMT-nin bir neçə müşahidəçi zabiti yaralanıb.
Daha öncə, Qəzzə Dövlət İnformasiya Ofisi də verdiyi bir bəyanatda bildirmişdi ki, İsrail ordusu təkcə bir həftə ərzində Qəzzədə qida ardınca olan və həmçinin Qəzzə əhalisi arasında humanitar yardımlar paylayan insanları hücuma məruz qoyaraq 100-dən çoxunu şəhid edib.