Avropa-Aralıq dənizi İnsan Haqları İzləmə Təşkilatı sionist rejiminin 2100 fələstinli südəmər uşağı şəhid etdiyini bildirərək, bu cinayətlərin müasir müharibələr tarixində qorxulu və misli görünməmiş olduğunu qeyd edib.
Avropa-Aralıq dənizi İnsan Haqları İzləmə Təşkilatı həftənin çərşənbə axşamı günü hesabat verərək, ötən 10 ay ərzində 17 min uşağı öldürən İsrailin uşaq qatili olmasını göstərib.
Bu mərkəzdən verilən məlumata görə, sionist rejimi 2100 fələstinli südəmər uşağı şəhid edib. Bu cinayətlərlə bağlı deyilməlidir ki, “İsrail ordusunun öldürdüyü uşaqların sayı müasir müharibələr tarixində qorxulu və misli görünməmişdir.”
Bu insan haqları mərkəzi vurğulayıb: İsrailin hücumları təhlükəli bir üsulun göstəricisidir. Hansı ki, o, Qəzzə zolağında yaşayan Fələstin xalqı ilə qarşılıqlı əlaqədə insanlığın olmamasına əsaslanır. Çünki onları “qəsdən, məqsədyönlü və kütləvi şəkildə” hədəfə alır.
Avropa-Aralıq dənizi İnsan Haqları İzləmə Təşkilatı bildirib ki, Qəzzədəki uşaqlar beynəlxalq hüquqların təmin etdiyi heç bir dəstəyə sahib deyillər və sionistlər onları əsas hüquqlarından məhrum ediblər.
Bununla yanaşı, İsrail ordusunun hücumları nəticəsində 40 mindən çox fələstinli şəhid olub. Bu hücumların bəzisi o qədər böyük olub ki, “Holokost” və ya “Qırğın” adını alıb.
Sionist rejimi ötən həftələrdə “ət-Tabein” məktəbinə havadan hücum etməklə ən böyük qırğınlardan birini törədib. Bu cinayətdə 100-dən çox fələstinli şəhid olub, onlarla digər insan isə yaralanıb və itkin düşüb.
Sionistlərin törətdikləri ən böyük cinayətlər bunlardır:
“Əl-Məmədani” xəstəxanasındakı qətliam – əksəriyyəti qadın və uşaq olmaqla 500-dən çox şəhid;
“Cəbaliya” düşərgəsinin bombalanması – 400 şəhid;
“Əl-Faxura” məktəbinin bombalanması – 200-dən çox şəhid;
“Un qətliamı” kimi tanınan “ən-Nablusi” meydanının bombalanması – 118 şəhid və 760 yaralı;
“Əş-Şifa” xəstəxanasındakı qətliam – kütləvi məzarlıqda 400 fələstinlinin cəsədinin tapılması;
“Əl-Xiyam holokostu” kimi tanınan Rəfəhin bombalanması – 45 şəhid və 249 yaralı;
“Ən-Nəsirat” xəstəxanasının bombalanması – 74 şəhid;
Xan Yunisdəki “ən-Nəvasi”yə hücum – 90 şəhid və 300 yaralı;
“Ət-Tabein” məktəbinin bombalanması – 100 şəhid və onlarla yaralı