Fələstinli Əsirlərin İşi üzrə Komitə işğalçı İsrail əsgərlərinin bir fələstinlini həbs edərkən polis itini onun üzərinə saldığını əks etdirən video yayımlayıb.
Video görüntülər göstərir ki, 19 yaşlı fələstinli saxlanılarkən heç bir müqavimət göstərməməsinə baxmayaraq, sionist hərbçilər bir polis itini onu üzərinə salır.
Əl-Cəzirə telekanalının məlumatına görə, Fələstinli Əsirlərin İşləri üzrə Komitə videonu yayıb və bildirib ki, İsrail ordusu bunu qəsdən və fələstinli gənc Malik Əl-Muəllanı qorxutmaq üçün edib.
Muəlla İordan çayının qərb sahilinin mərkəzindəki Əl-Birə şəhərindəki Ummul-Şərit bölgəsindəndir və həbs onun mühafizəçi işlədiyi sənaye mərkəzində həyata keçirilib.
Komitə əlavə edib ki, sionist hərbçilər sənaye mərkəzini mühasirəyə alıb, sonra ona hücum ediblər, daha sonra polis itini Malik Əl-Muəllaya hücum etməsi üçün buraxıblar.
Bununla əlaqədar, Komitə rəhbəri Qədri Əbu Bəkr bildirib ki, saxlanılan fələstinlilərin 99 faizi işgəncə, zülm və ya digər pis rəftarlara məruz qalıb.
İşğalçı İsrail rejimi həbsxanalarındakı fələstinli məhbusların sayı 4500 nəfərdir. Onlar arasında 34 qadın, 180 yeniyetmə və 500 inzibati məhbus da var.
Əlaqədar xəbərlər
