Avtomobillərin məhv edilməsi və yanacaq çatışmazlığı səbəbindən Qəzzə əhalisinin sağ qalmasında araba və mal-qaranın mühüm rol oynadığı bir vaxtda İsrail ordusu Qəzzə zolağından yüzlərlə uzunqulağı çıxarıb.
Xarici KİV-in verdiyi məlumata görə, İsrailin Kan kanalı bazar ertəsi bildirib ki, rejim ordusu son həftələr ərzində yüzlərlə eşşəyi Qəzzə zolağından çıxararaq İsrail assosiasiyasına bağlı fermaya göndərib.
Assosiasiya rəsmisinin sözlərinə görə, bu heyvanların bir qismi Fransaya təhvil verilib və daha bir qrupun Belçikaya köçürülməsi planı var.
O, bu uzunqulaqların Qəzzəyə qayıtmasına icazə verilməyəcəyini vurğulayaraq deyib: Qalan eşşəkləri Qəzzədən çıxarmağa çalışırıq ki, Qəzzə zolağının yenidən qurulmasında istifadə olunmasın.
Qəzzədəki Fələstin vətəndaşları bu hərəkəti oğurluq forması və İsrailin müdaxilə siyasətinin bir hissəsi hesab ediblər.
Onların fikrincə, heyvanlar müharibə zamanı ən vacib alternativ nəqliyyat vasitələrindən biri olub, çünki əksər nəqliyyat vasitələri hərbi hücumlar nəticəsində məhv edilib və yanacaq əldə demək olar ki, mümkünsüz olub.
Uzunqulaqlardan mal, qida, su, yaralılar, hətta ölənlərin cəsədlərini daşımaq üçün istifadə edilməsi son aylar Qəzza küçələrində adi mənzərəyə çevrilib. Amma indi belə görünür ki, bu fövqəladə həll İsrail ordusunun hərbi və mülki hərəkətlərindən də təsirlənib.
Əlaqədar xəbərlər
