Fələstin mənbələri İsrail rejiminin ordusunun Qəzzənin şimalında onlarla fələstinlinin məskunlaşdığı BMT-nin Fələstinli Qaçqınlara Yardım və İşlər üzrə Agentliyinin (UNRWA) digər bir məktəbi hədəf alması ilə bağlı məlumat veriblər.
Şahidlər bugün (cümə günü) günorta xəbər agentliyinə bildiriblər ki, İsrail qırıcıları Qəzzə zolağının şimalında yerləşən “əş-Şati” düşərgəsindəki UNRWA-a aid “Əsma” adlı məktəbə hücum ediblər.
Yerli mənbələrin bildirdiklərinə əsasən, bu hücumda bir neçə fələstinli qaçqın şəhid olub və digər bir neçə nəfər də yaralanıb. Onların sayı isə dəqiq məlum deyil.
Qəzzənin Mülki Müdafiə Təşkilatı verdiyi qısa bəyanatda təfərrüatına varmadan yalnız xilasetmə qüvvələrinin bu məktəbə tərəf yola düşdüklərini açıqlayıb.
Bəzi mənbələrin bildirdiklərinə görə, mülki müdafiə qüvvələri azı 3 şəhidin cənazəsini dağınıtlar altından çıxarmağı bacarıblar. Amma yaralıların sayı dəqiq olaraq məlum deyil.
İsrail rejiminin ordusu son günlərdə onlarla fələstinlinin məskunlaşdığı UNRWA məktəblərindən birinə hücum etməklə 39-dan çox fələstinlini şəhid etmiş və onlarla digər insanı isə yaralamışdı.
Qəzzə hökumətinin İctimai Əlaqələr Şöbəsi İsrail rejiminin bu hücumda Qəzzə zolağının mərkəzində yerləşən Nəsiratın ikinci düşərgəsindəki məntəqədə oğlanlar üçün ibtidai məktəbi hədəf aldığını açıqlayıb.
8 aydan çoxdur ki, Qəzzə zolağında müharibə davam edir. Qəzzənin mülki obyektlərinin çoxu İsrail qırıcılarının hücumlarında dağıdılıb.
Bu müharibədə 36 mindən çox fələstinli də şəhid olub və Qəzzə Səhiyyə Nazirliyi şəhidlərin əksəriyyətinin qadın, uşaq və yaşlı insanlardan ibarət olduğunu bildirib.