Pew Tədqiqat Mərkəzinin apardığı sorğuya əsasən, amerikalıların yarıdan çoxu sionist rejimə mənfi münasibət bəsləyir.
ABŞ rəsmiləri və mediası sionist rejimi məzlum kimi göstərmək üçün ciddi cəhdlər göstərsələr də, yeni sorğu amerikalıların İsrailə münasibətinin əvvəlkindən daha da mənfi olduğunu göstərib.
Pew Tədqiqat Mərkəzinin çərşənbə axşamı yayımladığı sorğuya əsasən, amerikalıların 53 faizi sionist rejimə mənfi və ya qismən mənfi münasibət bəsləyir. Halbuki bu göstərici 2022-ci ildə 42 faiz idi. Bu da onu göstərir ki, Qərb ölkələrinin sionist rejimin cinayətlərini ört-basdır etmək üçün apardığı güclü media kampaniyasına baxmayaraq, amerikalıların İsrailə dəstəyi 11 faiz azalıb.
Qeyd olunan sorğu 2025-ci il Martın 24-dən 30-na kimi aparılıb və 3605 yetkin amerikalı iştirak edib.
Bu araşdırmaya görə, hazırda yalnız yaşı 50-dən yuxarı olan respublikaçılar sionist rejimi ciddi şəkildə dəstəkləməkdə davam edir və gənc respublikaçıların yarısı İsrailə mənfi baxır. Sionist rejimə qarşı ikrah hissi demokratlar arasında ən güclüdür, onların 69%-i İsrailin hərəkətlərinə müsbət baxmır.
Bundan əlavə, 2022-ci ildən bəri İsrailə çox mənfi baxan amerikalıların sayı təxminən iki dəfə artıb, 2022-ci ildəki 10%-dən yeni ildə 19%-ə çatıb.
Sorğunun başqa bir hissəsində amerikalıların 31%-i prezident Donald Trampın Qəzzə müharibəsində İsraili çox dəstəklədiyini vurğulayıb. Demokratlar arasında bu rəqəm 50%-dir.
Bu sorğuya görə, amerikalıların təxminən 84 faizi Trampın Qəzzə zolağı üzərində nəzarəti ələ keçirmək planına razı deyil. Pew İnstitutunun bildirdiyinə görə, respondentlərin 62 faizi bu planla açıq şəkildə razı olmadıqlarını bildirib, 22 faizi isə bu mövzuda qərarsız olduqlarını ifadə edib və yalnız 15 faizi bu planı dəstəkləyib.
2023-cü ilin Oktyabr ayında İsrailin Qəzzəyə hücumuna başladığı vaxtdan indiyə qədər 50700-dən çox fələstinli həyatını itirib və onların əksəriyyətini qadınlar və uşaqlar təşkil edir.
Beynəlxalq Cinayət Məhkəməsi ötən ilin noyabr ayında sionist rejimin baş naziri Benyamin Netanyahu və İsrailin sabiq müdafiə naziri Yoav Galant barəsində Qəzzədə müharibə cinayətləri və insanlığa qarşı cinayətlər törətdiklərinə görə beynəlxalq həbs qərarı çıxarıb.
Bundan əlavə, Beynəlxalq Ədalət Məhkəməsi də İsrailə qarşı soyqırım ittihamı ilə bağlı bir işi araşdırır.
Əlaqədar xəbərlər
