Livan mediası İsrail rejiminin pilotsuz təyyarəsinin ölkənin cənubundakı “Dəbal” qəsəbəsinə hücumu nəticəsində iki nəfərin şəhid olduğunu bildirib.
Xarici KİV-in verdiyi məlumata görə, Livanın cənubundakı Tir bölgəsindəki Dəbal qəsəbəsinə İsrail rejiminin pilotsuz təyyarəsinin hücumu nəticəsində “Əli Qərib” və “Məhəmməd Heydər Əbud” adlı iki vətəndaş şəhid olub.
Bəzi mənbələr hücumda motosikletin hədəf alındığını da bildiriblər.
İsrail ordusu da şənbə günü pilotsuz təyyarə ilə Livanın cənubundakı “ət-Tuveyri” bölgəsini hədəfə alıb.
Livanın Səhiyyə Nazirliyi: İsrail ordusu bir nəfərin şəhid olması ilə nəticələnən bu hücumda ət-Tuveyri-Sreyfa yolunda bir avtomobili hədəf alıb.