Livan mediası İsrail rejiminin Livanın cənubundakı “Əyta əş-Şəb” qəsəbəsində bir avtomobilə pilotsuz təyyarə ilə hücum etdiyini və hücumda bir nəfərin öldüyünü bildirib.
Bazar günü səhər sionist rejimin pilotsuz uçan aparatı Əyta əş-Şəb qəsəbəsində bir avtomobilə idarə olunan raketlə zərbə endirib.
Məlumata görə, hücum nəticəsində bir neçə nəfər yaralanıb.
Xarici KİV-in Livan Mülki Müdafiə Agentliyinə istinadən verdiyi xəbərə əsasən, hücum nəticəsində bir nəfər həyatını itirib.
Bundan bir gün öncə İsrail rejiminin baş naziri Benyamin Netanyahu və müdafiə naziri İsrael Katz İsrail ordusuna Livanda Hizbullaha aid olduğunu iddia etdikləri onlarla hədəfə qarşı ikinci hücum dalğasını həyata keçirməyi əmr ediblər.
İsrailin Hərbi Nazirliyi bu əmrin bu gün səhər saatlarında işğal olunmuş Fələstin ərazilərinə raketlərin atılması və ilk hücum dalğasının davam etdirilməsinə cavab olaraq verildiyini açıqlayıb.
Bundan əvvəl Livanın Səhiyyə Nazirliyi sionist düşmənin şənbə günü axşam saatlarında Livanın şərqinə və cənubuna hücumları nəticəsində ilkin statistikaya əsasən, 6 nəfərin şəhid olduğunu, 28 nəfərin isə yaralandığını açıqlamışdı.
Əlaqədar xəbərlər
