HƏMAS-ın siyasi bürosunun rəhbəri fələstinlilərin Tel-Əvivdəki sonuncu şəhadət əməliyyatını yüksək qiymətləndirib və bildirib ki, Bəni-Bərak əməliyyatı Fələstinin xəritəsini yenidən cızır.
HƏMAS-ın siyasi bürosunun rəhbəri İsmayıl Həniyyə çərşənbə günü bildirib:
Ziya Həmarəşinin qəhrəmancasına əməliyyatı sionist rejimin bütün strukturuna zərbə vurdu və Fələstin xalqı arasında bu mübarək torpağı qorumaq ruhunu yaşadan “Torpaq günü” ərəfəsində vətən xəritəsini yenidən cızdı.
İsmayıl Həniyyə vurğulayıb ki, Fələstin xalqı və azadlıqsevər kəslər Ziya Həmarəşinin qəhrəmancasına əməliyyatı ilə fəxr edir. Bu əməliyyatın verdiyi mesaj belə idi: “Gələcək sionist rejim və ya kompromatçılar və bu rejimlə koordinasiyada olanların deyil, Fələstin torpağının qanuni sahiblərinin əlindədir.”
Həniyyə əlavə edib: “Keçən Ramazandan bəri Qəzzədə hələ də Qüds Qılıncını qınına qoymayan, Cənin və Ən-Nəqibdə belə qəhrəmanlar yetişdirən Fələstin xalqı fələstinli nəsillərin təslim olmağı əsla qəbul etməyəcəyini göstərdi.”
Həniyyə sonda bildirib: “Bu, işğala son qoyacaq, sionist qəsəbələri darmadağın edəcək, onun ağır yükünü Fələstinin qəhrəman milləti, müqəddəsləri və əsirlərin üzərindən götürəcək və məcburi köçkünlərimizi öz torpaqlarımıza qaytaracaq olan qəhrəmancasına, qanuni və mənəvi müqavimətdir.”
Tel-Əviv yaxınlığında bir neçə sionistin öldürülməsi və yaralanması ilə nəticələnən şəhadət əməliyyatından sonra, İsrail ordusu bütün işğal olunmuş ərazilərdə ümumi hazırlıq vəziyyəti elan edib.
Çərşənbə axşamı günü Tel-Əvivin şərqində yerləşən Bəni-Bərakdakı atışma nəticəsində 5 sionist öldürülüb, 6 nəfər isə yaralanıb.
İsrail polis mənbələri bu gecə Tel-Əvivdə baş verən atışmada bir polisin öldürüldüyünü açıqlayıb.
Əlaqədar xəbərlər
