Bazar ertəsi axşam Qəzzə zolağının mərkəzində yerləşən ən-Nəsirat düşərgəsindəki bir evin sionist rejiminin qırıcıları tərəfindən bombalanmasının ardınca bir neçə fələstinli şəhid olub və bir neçəsi isə yaralanıb.
Qəzzə zolağındakı tibbi mənbələr Qəzzə zolağının mərkəzində yerləşən ən-Nəsirat düşərgəsinin cənubundakı Kəracə ailəsinə aid üç mərtəbəli evin bombalanması nəticəsində 14 fələstinlinin şəhid olması və onlarla insanın yaralanması haqda məlumat veriblər.
İsrail qırıcıları, həmçinin Qəzzə şəhərinin qərbində yerləşən Bikr ərazisində bir mənzilə hücum ediblər. İşğalçı ordunun artilleriyası da Qəzzə zolağının şimal-qərb hissəsində yerləşən Beyti-Lahiya şəhərini bombalayıb, şimaldakı Cəbaliya düşərgəsinin ağır bombardmanlarına davam ediblər.
Qəzzə zolağındakı tibbi mənbələrin bildirdiklərinə əsasən, sionist rejiminin Oktyabrın 7-dən indiyədək bu zolağa qarşı təcavüzləri nəticəsində 35091 insan şəhid olub və 78827 insan da yaralanıb. Bu statistika fəlakətdir. Öldürülmüş minlərlə insanın hələ də dağıntılar altında yaxud yol kənarlarında qalmaları ilə yanaşı, Mülki Müdafiə qüvvələrinin təcili yadım maşınları və xidmət qüvvələrinin əlləri onlara çatmır.