Jurnalistlərdən biri sionist rejiminin Qəzzə zolağının cənubunda yerləşən Rəfəh şəhərində törətdiyi son cinayətdə 25 nəfər mülki şəxsin şəhid olduğu haqda məlumat verib.
O, işğalçı rejimə aid qırıcların Rəfəh səmasında uçmasına və şəhərin fasiləsiz olaraq bombalanmasına toxunaraq bildirib ki, fələstinli qaçqınların məskunlaşdığı bir evə hava hücum zamanı 25 nəfər şəhid olub.
Tibbi mənbələrdən biri ötən bir neçə saat ərzində 58 şəhidin cənazəsinin “Əbu Yusif Ən-Nəccar” xəstəxanasına köçürüldüyü barədə məlumat verib.
1 milyon 400 nəfərdən çox fələstinli qaçqın Rəfəh şəhərində məskunlaşıb, sübutlar isə işğalçı rejimin bu şəhərə yaxınlaşan hücumundan xəbər verir.