İşğalçı rejim qüvvələri çərşənbə axşamı sübh vaxtı, Nablusun şərqindəki köhnə Əskər düşərgəsinə və işğal olunmuş İordan çayının qərb sahillərinin şimalındakı Tülkərmin şərqində yerləşən Nuru Şəms düşərgəsinə hücum ediblər.
Sionist hərbiçilərinin İordan çayının qərb sahillərində yerləşən Nablusun şərqindəki Əskər düşərgəsinə hücumunda 46 nəfər ya yaralanıb ya da boğulma halı ilə üzləşib.
Bəzi yerli mənbələr bildiriblər ki, işğalçı sionist qüvvələri çox sayda hərbi maşınla, o cümlədən iki ədəd buldozerlə Nablusun şərq bölgəsinə hücum ediblər və köhnə Əskər düşərgəsinin girişlərini bağlayıblar.
İşğalçı rejimin snayperçiləri köhnə Əskər düşərgəsindəki binaların damlarında və düşərgəyə baxan Əl-Miyah küçəsində yerləşiblər.
Eyni halda, müqavimət qüvvələri bölgəyə hücum etmiş işğalçı qüvvələrə sarı atəş açıb və ev şəraitində hazırlanmış partlayıcı maddələr partladıblar.
Qeyd etmək lazımdır ki, bu hadisə, ötən Mart ayında iki sionist köçkününün ölümü ilə nəticələnən Həvare əməliyyatı iştirakçısı olan şəhid Əl-Qəssami Əbdül-Fəttah Xəruşənin evinin dağıdılması ilə bağlı işğalçı qüvvələrin son qərarı açıqlandıqdan sonra baş verib.
İşğalçı qüvvələr həmçinin, Tülkərmin şərqində yerləşən Nuru Şəms düşərgəsinə hücum ediblər və müqavimət qüvvələri ilə hücumçular arasında silahlı toqquşma baş verib.
Bəzi yerli mənbələr bildiriblər: İşağlçı qüvvələr Tülkərmdəki Nuru Şəms düşərgəsinə fasiləsiz hücumlar zamanı düşərgənin mənzillərinə atəş açıblar.