Xarici KİV-in verdiyi məlumata görə, Fələstin Jurnalistlər Birliyinin rəhbəri “Nasir Əbu bəkr” bildirib ki, sionist rejimi 2000-ci ildən bəri, 55 fələstinli müxbiri qətlə yetirib.
O, əlavə olaraq deyib: Ötən il də sionist hərbiçiləri Əl-Cəzirə kanalının müxbiri “Şirin Əbu Aqile” və işğal olunmuş Fələstində yerli bir qəzetin müxbiri “Ğufran Vərasene”-ni qətlə yetiriblər.
Sözlərinin davamında deyib: 2013-cü ildən indiyi qədər sionist rejimi tərəfindən 8500 müxbirə hücum qeydə alınıb. Sionistlərin müxbirlərə ən çox hücumları işğal olunmuş Fələstində baş verib. Bu hücumların məqsədi, işğal olunmuş ərazilərin vəziyyətini, İslam və Xristian müqəddəslərinə qarşı olunan hörmətsizliyi dünya əhalisinə çatdırmağın önündə mane yaratmaqdır.
Bundan əvvəl də mərkəzi Livanın paytaxtı Beyrutda yerləşən Jurnalistlərin Himayə Komitəsi bildirmişdir ki, sionist rejimi, müxbirlərin həbs olunma siyasətini davam edir. Hal-hazırda 21 fələstinli müxbir bu rejimin təcridxana və həbsxanalarındadır.
Jurnalistlərin Himayə Komitəsi verdiyi bəyanatda deyib: Sionist rejiminin məqsədi, fələstinli müxbirlərin işğalçı rejimin Fələstin millətinə qarşı etdiyi cinayətləri işıqlandırmaq üçün peşəkar fəaliyyətinin qarşısını almaqdır.