İşğalçı ordunun Qəzzə şəhərində yerləşən Şeyx Rizvan məhəlləsinə olan hava hücumunda fələstinli qaçqınların məskunlaşdığı məktəb tamamilə dağıdılıb və bir neçə nəfər dağıntılar altında itkin düşüb.
Verilən məlumata əsasən, işğalçı rejimin ordusunun qırıcıları Qəzzə şəhərindəki Şeyx Rizvan məhəlləsində bir məktəbi bir neçə raketlə hədəfə alıblar.
Xarici KİV-in verdiyi məlumata görə, fələstinli qaçqınların məskunlaşdığı yer olan bu məktəbin bombalanması nəticəsində məktəbin binası tamamilə dağıdılıb, bir neçə nəfər şəhid olub və dağıntılar altında itkin düşüb.
Fələstin mənbələrinin ən son statistikasına əsasən, sionistlərin Qəzzədəki bir məktəbə raket hücumları nəticəsində 17 nəfər şəhid olub və 60 nəfər isə yaralanıb.
Qətərin xəbər şəbəkələrindən biri sionist qırıcılarının ikinci hücumunun “Həmmamə” məktəbinə 3 raket zərbəsi ilə həyata keçdiyini və bu hücumun, xilasetmə qruplarının həyatlarını itirənlərə kömək etmək üçün göstərdikləri səylər zamanı baş verdiyini bildirərək deyib: Vəhşiliklə törədilən bu hücumda azı 15 nəfər şəhid edilib ki, onların da arasında qadın və uşaqlar olub.
Həmçinin bildirilib ki, bu məktəb cox sayda fələstinli qaçqın ailələrinin məkunlaşdığı yer olub.
Qəzzə Şəhiyyə Nazirliyi dünən açıqlama verərək bildirib ki, sionist rejimi ötən 24 saat ərzində 3 yeni cinayət törətməklə azı 31 nəfərin şəhid olmasına və 62 nəfərin isə yaralanmasına səbəb olub.
Əl-Bəric, ən-Nəsirat düşərgələri, Rəfəh şəhərinin şima və qərbi, Beyti Lahiya və əz-Zeytun məhəlləsi son 48 saat ərzində işğalçı rejim tərəfindən hücuma məruz qalan bölgələr arasındadır.