İşğalçı rejimin hərbiçiləri geniş hərbi əməliyyatla İordan çayının qərb sahillərindəki Yeriho şəhərinin qərbində yerləşən Əqəbeye Cəbr düşərgəsinə hücum ediblər və nəticədə bir sıra fələstinli yaralanıb.
Xarici KİV-in verdiyi məlumata əsasən, sionist hərbiçilərinin hücumu dünən səhər saatlarından başlayıb. Təxminən 100 İsrail hərbi maşınının iştirak etdiyi bu hücumda təxminən 15 fələstinli həbs edilib.
Fələstin Səhiyyə Nazirliyi bildirib ki, sionist hərbiçilərinin hücumu, qarşıdurması və yaralıların təcili yardım maşınlarıyla aparılmasına mane olmalarının ardınca, fələstinli gənclərlə işğalçı qüvvələr arasında toqquşma baş verib. İsrailli hərbiçilərin açdıqları atəş nəticəsində 8 nəfər fələstinli yaralanıb və onlardan birinin vəziyyəti ağır qiymətləndirilib.
Həmçinin, vurğulanıb ki, bu əməliyyatlarla eyni zamanda İsrail qüvvələri Cenin şəhərinin yaxınlığındakı əl-Yamun məntəqəsinə hücum ediblər və Məhəmməd Səid adlı bir fələstinli həbs edilib. İşğalçı rejim iddia edib ki, o, 9 May tarixində İordan vadisindəki Yeriho şəhəri yaxınlığında əl-Bəqiə əməliyyatını həyata keçirən şəxsdir. İşğalçı rejim iddia edib ki, o, bir qrup israilli əsgərləri daşıyan avtobusa atəş açıb və hasdisə yerindən qaçıb.
İşğalçı qüvvələr cari ilin əvvəlindən indiyə qədər 1800-dən çox fələstinlini, fələstin qruplarında üzv olma ittihamı ilə təqib edərək həbs ediblər.