İşğalçı rejim hərbiçiləri bu gün səhərə yaxın Əl-Əqsa məscidinin həyətinə hücum edərək bu müqəddəs məkanın bəzi daxili əşyalarını dağıdıblar.
İşğalçı rejim hərbiçiləri ötən gün gecənin sonları və bu gün səhərə yaxın silah və iğtişaşlara qarşı cihazlarla Əl-Əqsa məscidinin həyətinə daxil olublar. Namaz qılanlarla toqquşmaqla yanaşı, məscidin içindəki bəzi əşyaları sındırıb və dağıdıblar.
Xarici KİV-in verdiyi məlumata görə, işğalçı hərbiçilər Rəhmət qapısı tərəfdən Əl-Əqsa məscidinə daxil olublar. Namaz qılanlarla qısa qarşıdurmayla yanaşı, müəyyən hədəfləri olmadan məscidin içindəki bəzi əşyaları dağıtmağa başlayıblar və daha sonra oradan çıxıblar.
Bəzən sionist köçkünlərinin iştirakı ilə baş verən hərbiçilərin vaxtaşırı olaraq Əl-Əqsa məscidinə olan hücumu, fələstinlilərin sözlərinə görə, bu müqəddəs məkanın yəhudiləşdirilməsi istiqamətindədir. Baxmayaraq ki, BMT-nin bütün qətnamələri və prinsiplərinə əsasən, Əl-Əqsa məscidi müsəlmalara aiddir və onun məsuliyyəti İordaniyaya həvalə edilib.
Fələstinlilərin evlərinin kütləvi şəkildə dağıdılması, onlar üçün tikinti əsasının verilməməsi və bunun müqabilində qəsəbə salmanın sürətli genişləndirilməsi Şərqi Qüdsün və Əl-Əqsa məscidinin yəhudiləşdirilməsi istiqamətində olan işlər sayılır.