İşğalçı rejimə aid qüvvələr Qəzzə zolağının şimalında un və yardım daşıyan yük maşınlarını gözləyən yüzlərlə fələstinliyə qarşı qətliam törədib. Nəticədə onlarla insan şəhid olub və yaralanıb.
Bəzi Fələstin mənbələri bildiriblər ki, işğalçı rejimin tankları Qəzzə zolağının şimalında yerləşən əl-Küveyti Meydanı məntəqəsində un və yardım daşıyan yük maşınlarının gəlməsini gözləyən yüzlərlə fələstinliyə tərəf bir neçə güllə və pulemyotdan atəş açıblar.
Qəzzə Səhiyyə Nazirliyi bildirib: İsrailin Qəzzə şəhərinin cənubundakı Küveyti Meydanı yaxınlığında fələstinlilərə qarşı dəhşətli qətliamında onlarla insan şəhid olub və yaralanıb.
Hadisə şahidlərindən bəzisi deyib: Tanklar yardım maşınlarının gəlməsi ilə bağlı xəbərləri eşitdikən sonra oraya toplaşanlara tərəf birbaşa atəş atıblar ki, bu da onlarla insanın yaralanması ilə nəticələnib.
Onlar bildiriblər: Güllələr övladları üçün yemək axtaran insanların başına dəyib və bu da itki sayının artmasına səbəb olub.
Onlarla yaralı insan Qəzzədəki Əş-Şifa xəstəxanasına aparılıb. Təcili yardım maşınları yaralılarla dolub və yaralılardan bəzisi qarın və sinə nahiyəsindən ağır şəkildə yaralanıb.
Qeyd etmək lazımdır ki, işğalçı qüvvələr fələstinlilərə qarşı amansız aclıq yaratmaq məqsədi ilə humanitar yardımları gözləyən fələstinlilərin toplaşdığı yerləri hədəfə almağa davam edirlər.
Dünən baş verən ən son qətliam Dir əl-Bələhdə və Küveyt xeyriyyə cəmiyyətinə məxsus yardım maşının işğalçılar tərəfdən bombalanması olub.
İsrailə məxsus bir təyyarə birbaşa olaraq yardım daşıyan maşını bombalayıb. Nəticədə 9 fələstinli şəhid olub və o ətrafda toplaşan onlarla insan yaralanıb.