Qəzza zolağının Hökumət Media Ofisi bildirib ki, İsrail fələstinlilərə qarşı planlı və sistemli şəkildə “susuzluq müharibəsi” aparır. Bu çərçivədə, su mənbələri və infrastruktur hədəf alınıb, içməli su almağa çalışan dinc əhaliyə – əsasən uşaqlara – qarşı 112 qanlı qətliam törədilib. Təkcə ən son hücumda, Nüsayrat bölgəsində 12 nəfər, o cümlədən 8 uşaq şəhid olub.
Rəsmi məlumata görə, İsrail 720 su quyusunu qəsdən məhv edib və bu, 1 milyon 250 mindən çox fələstinlinin təmiz sudan məhrum olmasına səbəb olub. Eyni zamanda, hər ay ehtiyac duyulan 12 milyon litr yanacağın Qəzzaya girişinə maneə yaradılıb. Bu, su sistemləri, kanalizasiya şəbəkələri və tullantıların yığılması proseslərini iflic vəziyyətə salıb, nəticədə xüsusilə uşaqlar arasında epidemiyalar yayılıb.
23 yanvar 2025-dən etibarən, İsrail Qəzzanın əsas su mənbələrindən biri olan “Mekrot” xəttini kəsib, mart ayında isə Deyr əl-Bəlah bölgəsində yerləşən su təmizləyici stansiyaya gedən elektrik xəttini dayandırıb. Bütün bunlar Qəzzadakı humanitar böhranı daha da ağırlaşdırıb.
Əlaqədar xəbərlər
