İşğalçı rejimin hərbiçiləri çərşənbə günü Tülkərmdə yerləşən Nuri-Şəms düşərgəsinə hücum edib və Fələstin müqavimətinin gəncləri ilə toqquşublar.
Sionist işğalçıları çərşənbə günü səhər saatlarına yaxın onlarla hərbi maşın və buldozerlə İordan çayının qərb sahillərindəki Cenin və Tülkərm şəhərlərinə hücum ediblər, eyni zamanda Fələstin müqavimət qüvvələri ilə toqquşub və bu bölgələrdəki küçələri və infrastrukturları dağıtmağa başlayıblar. Sionist rejimi ordusu, həmçinin Yeriho şəhərində və əl-Xəlil şəhərinin yaxınlığında yerləşən Əqəbeye Cəbr düşərgəsinə qarşı hücumlar həyata keçiriblər.
Sionist rejimi ordusuna məxsus onlarla hərbi maşın bir neçə buldozerlə birlikdə işğal olunmuş İordan çayının qərb sahillərinin şimalında yerləşən Tülkərm şəhərinin qərb hissəsindən Nuri-Şəms düşərgəsinə qədər olan ərazilərə hücum ediblər.
Fələstin Qırmızı Aypara Cəmiyyəti Tülkərm düşərgəsində bomba partlaması nəticəsində 3 nəfərin yaralandığını bildirib.
Fələstin Qırmızı Aypara Cəmiyyəti vurğulayıb ki, sionist hərbiçiləri xilasedicilərin yaralılara kömək üçün toqquşma məkanına daxil olmalarına mane olublar.
Fələstin mənbələri bildiriblər ki, Tülkərm məscidləri Tülkərm düşərgəsindəki əhaliyə kömək etmək üçün ümumi cammatın səfərbər olmasını istəyiblər.
Əlaqədar xəbərlər
