Xəbər mənbələri Qəzzədəki sionist əsirlərin ailələri ilə həmrəylik və sionist rejiminin baş nazirinin əsirlər mübadiləsinə mane olmasına etiraz etmək üçün işğal olunmuş ərazilərdə ümummilli tətillərin başlanması haqda məlumat veriblər.
Qeyd olunan ümummilli tətillər məktəblərə, universitetlərə, Ben Qurion hava limanına, ümumi nəqliyyata və iqtisadiyyatın geniş sektorlarına şamildir.
Bundan öncə ivrit mənbələri on minlərlə sionist köçkününün Tel-Əvivdə nümayiş keçirdiyi və Qəzzədəki müqavimət qüvvələri ilə əsirlər mübadiləsinin təcili olaraq imzalanmasını tələb etdiyi barədə məlumat vermişdilər.
Həftənin bazar günü sionist rejiminin hücumları nəticəsində Qəzzədə 6 sionist əsirinin ölməsinin ardınca, işğal olunmuş Fələstin əraziləri Netanyahu və onun kabinetinə qarşı kütləvi nümayişlər səhnəsinə çevrilib.
Etirazçılar Netanyahunun əsirlər mübadiləsi razılaşmasına qarşı olduğuna etiraz edərək, Netanyahu kabinetinin tez bir zamanda bu müqavilə ilə razılaşmasını tələb ediblər.
Ümummilli tətillərin məqsədi atəşkəs və Qəzzədəki müqavimət qüvvələri ilə əsirlər mübadiləsi razılaşmasının qəbul olunması üçün Netanyahu kabinetinə təzyiq göstərməkdir.
Bazar ertəsi günü işğal olunmuş ərazilərdəki əsas hava limanı olan Ben Qurion hava limanı eniş-uçuşları, Qüdsdəki şəhər qatarı fəaliyyətini, ən böyük şəhərlər arası və şəhər daxili avtobus xətləri şirkəti olan “Eged” şirkəti fəaliyyətini dayandırıb, böyük alış-veriş mərkəzləri qapılarını açmayıb, Tel-Əviv kimi böyük mərkəzlərdə restoranlar bağlı qalıb, Müəllimlər Birliyi tətil aksiyasına qoşulmaqla, ibtidai və orta məktəblərdə təhsil dayanıb, uşaq bağçaları da fəaliyyətini dayandırıb.
Əlaqədar xəbərlər
