Böyük Britaniyalı-İsrailli tanınmış tarixçi Avi Şlaym, 1950-ci illərdə İraqlı yəhudilərə qarşı edilən hücumlarla bağlı “Sionistlərin iştirakına dair sübutları” olduğunu iddia edir. O, xatirələrində yazır ki, Mossad Bağdadda partlayış təşkil edərək, İraqdakı yəhudilərin İsrailə köçünü sürətləndirməyə çalışıb.
Şlaymın xatirələri olan Üç Dünya: Bir Ərəb Yəhudusunun Xatirələri adlı kitabında, Bağdaddakı uşaqlığını və sonrakı İsrailə köçünü ətraflı şəkildə izah edir.
Şlaym 1945-ci ildə Bağdadda, yüz illər boyu mövcud olmuş yerli yəhudi icmasından varlı bir ailədə anadan olub. Avi 5 yaşında ikən, Bağdadda yəhudiləri hədəf alan bir sıra partlayışlardan sonra ailəsi İsrailə qaçıb.
Xatirələrinə dair Spectator jurnalında dərc olunan bir icmalda, Şlaym 1950-51-ci illərdə İraqdakı yəhudilərin kütləvi köçünə səbəb olan terror hücumlarında Sionistlərin iştirakına dair “inkar edilməz sübutlar” təqdim edir. O, bu partlayışların Mossad tərəfindən təşkil edildiyini və nəticədə 110,000 yəhudinin İraqdan, yeni yaranan İsrailə köçünü sürətləndirdiyini vurğulayır.
Şlaymın sözlərinə görə, İraqlı yəhudilər yalnız 1940-cı illərdə, İraqın Britaniya işğalına (1941) və Nakba’ya (1948-ci ildə Fələstindən yəhudilər tərəfindən edilən etnik təmizləmə və ərəb xalqının sürgün edilməsi) qarışmaqda şübhəli olduqları zaman, antisemitizmə məruz qalmışdılar.
Tarixçi əlavə edir ki, Sionist layihə nəticəsində, bütün Ərəb ölkələrində yəhudilər, hörmətli vətəndaşlar kimi deyil, yeni yaradılan yəhudi dövləti ilə əlaqəli olan “beşinci kolon” olaraq qəbul edilirdi. Eyni zamanda, İsrailə köç edən Mizrahi yəhudiləri, Avropadan gələn Aşkenazi yəhudilərindən ayrı-seçkiliklə üzləşdilər. Mizrahi yəhudiləri hələ də İsraildə ən kasıb icmalardan biridir.