İordaniya Xarici İşlər naziri deyib: Sionist rejiminin əsası və mahiyyəti “şər”-dir və sülhə yetişməyin tək yolu, bu işğalçılığa son qoymaqdır.
Xarici KİV-in verdiyi məlumata görə, İordaniya Xarici İşlər naziri Ayman Safadi deyib: “İordaniyanın Qüds barədə mövqeyini izah etməyimə ehtiyac yoxdur. Çünki, bizim hamımız Fələstinə, Qüdsə, İslam və Xristian müqəddəslərinə bağlı olan hər bir şey barədə bir mövqedəyik.”
İordaniya Parlamentinin nəzarəti iclasında çıxış edən Safadi, vurğulayıb ki, İordaniya fələstinli qardaşların yanında olub və olacaq, onları himayə etmək üçün bütün səylərini edəcək, Fələstin xalqını bütün beynəlxalq qanunlarla uyğun olan azadlıq, dövlət, hakimiyyət və dini mərasimləri azad şəkildə yerinə yetirmək haqqından məhrum edən sionist rejiminin tədbirlərini dayandırmaq üçün addım atacaq.
Safadi deyib: İordaniya diplomatiyasının, sionist rejiminin təkcə Məscidul-Əqsa barəsində deyil, əksinə bütün Fələstin torpaqlarındakı təcavüzkar addımları, o cümlədən qəsəbə salma, fələstinlilərin evlərini dağıtma, fələstinlilərin didərgin düşməsi, ədalətli və hər tərəfli sülhün əldə olunması üçün ümidlərin aradan aparılması kimi addımları barədə xəbəri var.
O, 1967-ci il sərhədlərinə uyğun Qüdsün Fələstinin paytaxtı olmasına işarə edərək deyib: Biz qətiyyətlə inanırıq ki, əgər fələstinlilər öz kamil hüquqlarına çatmasalar, region heç vaxt sülh üzü görməyəcək.
İordaniya Parlamentinin nəzarəti iclasının əvvəlində İordaniya Parlamentində Fələstin Komitəsinin sədri “Fayez Basbus” və onun Xarici Əlaqələr Komitəsinin sədri “Xəldun Hina”, Qüdsü işğal edən rejimin hakimiyyətinin hərəkətlərini cinayətkar və terrorçu adlandıraraq deyiblər ki, sionist rejiminin fələstinlilərə qarşı rəftarı, bütün beynəlxalq qanunlar və müqavilələrə, insan haqlarına və İlahi qanunlara ziddir.
İordaniya Parlamentinin bu iki nümayəndəsi, radikal sionistlər və regionun təhlükəsizliyini təhdid edən İsrail rejiminin radikal sağçı kabinetinin nazirləri tərəfindən həyata keçirilmiş hərəkətlərlə mübarizə aparmaq üçün qəti tədbirlərin görülməsinin zəruriliyini vurğulayıblar.
Əlaqədar xəbərlər
