İşğalçı İsrail qüvvələri İordan çayının qərb sahillərinin müxtəlif bölgələrinə hücum etməklə fələstinlilərlə toqquşub və bəzilərini həbs ediblər.
Xarici KİV-in verdiyi məlumata görə, İsrail qüvvələrinin Cenin şəhərinin cənub-qərbində yerləşən “Bərtəə” yoxlanış-keçid məntəqəsinin yaxınlığında açdıqları atəş zamanı 16 yaşlı fələstinli yeniyetmə yaralanıb və müalicə üçün xəstəxanaya aparılmamışdan əvvəl həmin qüvvələr tərəfindən həbs olunub.
Eyni zamanda işğalçı qüvvələr Əl-Xəlil vilayətindəki “Beyti Əmr” şəhərciyində fələstinlilərdən birinin evinə hücum edərək ailə üzvlərindən birini həbs ediblər.
İsrailli hərbiçilər Əl-Xəlilin cənubundakı “Müsafir Yəta” məntəqəsində 6 nəfər fələstinlini həbs ediblər.
İsrailli qüvvələr həmçinin, bu gün səhər, Ceninin şərqindəki “Fəquə” şəhərciyinə hücum ediblər. Nablusun şimal-qərbindəki “Səbtabiyə” şəhərciyində fələstinlilərlə toqquşublar.
İsrailli qüvvələr uzun illərdir ki, İordan çayının qərb sahillərinin müxtəlif şəhərlərinə hücum edirlər. Amma indi adətən, axtarışda olan şəxslərin təqib olunması bəhanəsi ilə Nablus və Cenin vilayətlərində müxtəlif əməliyyatlar yerinə yetirirlər, vətəndaşları güllələyir və həbs edirlər.