Sionist rejiminin hərbiçiləri çərşənbə günü səhər, İordan çayının qərb sahillərinin bəzi bölglərinə, Cenin, Tülkərm və Qüds vilayətlərinə hücum etməklə, çox sayda Fələstin vətəndaşını həbs ediblər.
Xarici KİV-in verdiyi məlumata görə, sionist hərbiçiləri Məhəmməd və Ziya Türkəman adlı iki qardaşı Cenində yerləşən Xərubə məhəlləsindəki mənzillərinə hücum etməklə həbs ediblər. Onlar həmçinin Cələbun şəhərciyindən olan Qusəyy Əbur-Rəbb adlı bir gənci də həbs ediblər.
Tülkərmdə də sionist hərbiçiləri Əhməd Əş-Şeyx adlı bir gənci şəhərin şimalında yerləşən Anata şəhərciyindəki mənzilinə hücum etməklə və Şadi Şərhə adlı bir gənci isə işğal olunmuş Qüdsdəki Əl-Vad küçəsində həbs ediblər.
Digər tərəfdən də ABŞ-ın etirazına baxmayaraq, “Ali Planlaşdırma və Tikinti Komitəsi”-nin gələn həftə minlərlə yaşayış mənzilinin tikilməsinə dair razılıq verməsi barədə məlumat verilib.
Bu məlumata əsasən, bu komitə bir neçə sionist şəhərciyində, o cümlədən Sələfiyyət yaxınlığındakı “Rəfafa” şəhərciyində gələn həftə 4500 yaşayış mənzilinin tikintisini təsdiqləyəcək.