Sionist rejiminin işğalçı hərbiçiləri çərşənbə günü İordan çayının qərb sahillərindəki müxtəlif bölgələrə hücum ediblər.
İşğalçı sionist hərbiçilərinin hücumları fələstinlilərin bir neçəsinin evini hədəfə alıb və bu hücumlarda Fələstin vətəndaşlarından bir qrupu həbs olunub.
Eyni zamanda müqavimətçi döyüşçülər Cenində və Nablusda işğalçı əsgərlərlə toqquşublar və bu şəhərlərdə onların hücumunu dəf edə biliblər.
Nablusda işğalçı qüvvələr köhnə “Əsgər” düşərgəsinə hücum etməklə Abdullah Qasim Əbu Safi adlı fələstinli gənci şərq qəbiristanlığı ətrafında həbs ediblər.
Nablus Qırmızı Aypara Cəmiyyəti bildirib ki, işçiləri kömək zamanı silahlı hücuma məruz qalıblar.
Nablusa hücum zamanı işğalçı rejimin snayperçiləri binaların damlarında gizləniblər. Həmçinin, işğalçı əsgərlərlə müqavimətçi döyüşçülər arasnda silahlı toqquşma baş verib.
İşğalçılar həmçinin, Əl-Xəlilin qərbindəki “Azna” şəhərciyinə, Yeriho şəhərindəki Əl-Əvca şəhərciyinə və Ramullahın şimalındakı Beyt Reyma şəhərciyinə hücum edərək iki nəfər fələstinli gənci həbs ediblər.
İşğlaçıların Cenin şəhərinin cənubundakı Qubatiyyə şəhərciyinə hücumları zamanı müqavimətçi döyüşçülər onlarla mübarizə aparıblar.