İşğalçı sionist rejiminin hərbiçilərinin açdığı atəş nəticəsində ağır yaralanan iki fələstinli gənc İordan çayının qərb sahillərindəki Tubas və əl-Xəlildə şəhadətə çatıblar.
Fələstin Səhiyyə Nazirliyi bidirib ki, Tubasda əl-Fariə düşərgəsindən olan 17 yaşlı fələstinli gənc Mahmud Macid Muhəmməd əl-Ayidi, sionist hərbiçilərinin atdığı güllə nəticəsində şəhadətə çatıb.
Xarici KİV-in Fələstin Səhiyyə Nazirliyinə istinadən verdiyi məlumata görə, bu fələstinli gənc, işğalçı hərbiçilər tərəfindən atılan güllə nəticəsində baş nahiyəsindən aldığı ağır yaralar səbəbilə həftənin çərşənbə axşamı günü əl-Fariə qaçqın düşərgəsində şəhid olub.
Baş nahiyəsindən yaralanmış Ayidi, ağır vəziyyətdə Tubas Dövlət Xəstəxanasına çatdırılıb və orda şəhadətə çatıb.
“Harun Əbu İram” adlı digər bir fələstinli gənc, bir il əvvəl Əl-Xəlil şəhərindəki “Musəfirita”da işğaıçı əsgərlərin gülləsinə tuş gələrək yaralanmış və bu həftənin həftənin çərşənbə axşamı günü şəhadətə çatıb.
Yerli mənbələr həmçinin, bildiriblər ki, işğalçı ordunun xüsusi qüvvələri əl-Fariə qaçqın düşərgəsində Səmir əl-Xətibin evinə hücum edib və fələstinli bir gənci ağır yaralayıblar.
İşğalçı ordu qüvvələrinin əl-Fariə qaçqın düşərgəsinə hücumlarının ardınca Müavimət qüvvələri ilə işğalçılar arasında güclü toqquşma baş verib. Mübarizə nəticəsində sionist qüvvələri geri çəkiliblər.