İşğalçı İsrail rejiminin hərbiçiləri həftənin çərşənbə axşamı günü Cenin şəhərində 6 fələstinli döyərək yaralayıblar.
Xarici KİV-in Fələstin Qırmızı Aypara Cəmiyyətinə istinadən verdiyi məlumata görə, bu cəmiyyətin üzvləri 6 nəfər yaralı fələstinlini şəhərin şərqində yerləşən “Cəlmə” hərbi keçid məntəqəsindən xəstəxanalara aparıblar.
Bu hesabata əsasən, sionist rejimin hərbiçiləri İordan çayının qərb sahillərində yerləşən əl-Xəlilin şimalındakı əl-Ərub düşərgəsinə hücum edib və bu düşərgədəki UNRWA sağlamlıq mərkəzinə daxil olmaqla oradakı bəzi şeyləri məhv etməyə başlayıblar. Onlar əl-Ərub düşərgəsindəki bir mənzili dağıdıblar.
Həmçinin verilən məlumata görə, sionist rejimin hərbiçiləri Tülkərmin şərqindəki Ramin qəsəbəsinə hücum ediblər. Bununla yanaşı, sionist qüvvələri Tülkərmdəki fələstinli qaçqınların bəzisini həbs ediblər.
Sionist hərbiçilər İordan çayının qərb sahillərindəki fələstinlilərə qarşı təcavüzlərinin davamında Qəlqiliyyənin şərqində yerləşən Əzun və əl-Xəlilin cənubunda yerləşən əz-Zahiriyyə qəsəbələrinə hücum ediblər. Onlar fələstinlilərə məxsus 8734 hektar ərazini müsadirə ediblər.
Verilən məlumata görə, işğalçı rejimin qüvvələri Ramullah şəhərinin şimalında yerləşən əl-Məzrəə əl-Ğərbiyyə kəndində “Rəbii Rafət Əbu Rəbii” adlı fələstinli gəncin evini dağıtdıqdan sonra onu həbs ediblər.
Sionistlər bundan əlavə, bəzi qəsəbə və kəndlərə də hücum ediblər.
Əlaqədar xəbərlər
