İsrail rejiminin bu gün səhər (cümə) Livanın cənubundakı Sidon şəhərində bir mənzilə təcavüzkar hücumundan sonra xəbər mənbələri HƏMAS hərəkatının lideri “Həssan Fərhat”ın şəhid olduğu barədə məlumat verib.
Xəbər mənbələri bu gün səhər saatlarında (cümə günü) işğalçı sionist rejiminin Livanın cənubundakı Sidon şəhərinə hava hücumu nəticəsində rejimin bu hücumdakı məqsədinin HƏMAS liderlərindən birini öldürmək olduğunu qeyd ediblər.
Bu arada, Fələstin İnformasiya Mərkəzi bir şəkil yayımlayaraq bildirib: HƏMAS-ın liderlərindən olan Həsən Fərhat bu gün səhər saatlarında işğalçı sionist ordusunun Livanın cənubundakı Sidon şəhərinin Dəlaə məhəlləsinə hücumu nəticəsində oğlu və qızı ilə birlikdə şəhid olub.
Livan televiziyası da İsrail rejiminin Sidona hücumunun məqsədinin HƏMAS lideri Həsən Fərhatın öldürülməsi olduğunu açıqlayaraq bildirib: Sionist rejimi Livanın cənubundakı Sidon şəhərində yaşayış mənzilinə hava hücumu həyata keçirərək, HƏMAS lideri Həsən Fərhatı və iki nəfəri öldürüb.
İsrail rejimi atəşkəsi dəfələrlə pozaraq, hərbçilərini Livan torpaqlarından çıxarmaqdan imtina edir və bu ölkəyə çoxsaylı hava hücumları təşkil edərək, ABŞ-nin dəstəyi ilə cinayətlərini və qətllərini davam etdirir.
Bu gün səhər saatlarında Livanın cənubuna edilən hücumdan sonra bu ölkənin Səhiyyə Nazirliyi bəyanat yayaraq bildirib ki, cümə günü səhər saatlarında işğalçı sionist rejiminin Sidon şəhərindəki yaşayış mənzilinə və həmçinin Livanın cənubundakı Bint Cubeyl yolunda bir avtomobilə hava hücumu nəticəsində ən azı üç nəfər şəhid olub, iki nəfər isə yaralanıb.