HƏMAS hərəkatı Qəzzədə təxminən 19 min uşağın şəhid edildiyini və təxminən 39 min uşağın isə valideynlərindən birini və ya hər ikisini itirdiyini açıqlayıb.
Xaric KİV-in verdiyi məlumata görə, HƏMAS hərəkatı Fələstin Uşaqlar Günündə açıqlama verərək bildirib: Qəzzədə 19 minə yaxın uşaq şəhid edilib, 1100 çox uşaq həbs edilib və təxminən 39 min uşaq isə valideynlərindən birini və ya hər ikisini itirib.
HƏMAS hərəkatı qeyd edib: Faşist işğalçı rejim uşaqları sistematik cinayətlərlə, o cümlədən onlardan canlı qalxan kimi istifadə etmək, təhsildən məhrum etmək və onların işğal olunmuş ərazilərdəki kimliyini əllərindən almağa çalışmaqla hədəfə alır.
Hərəkatdan, həmçinin bildirilib: İşğalçı rejimin fələstinli uşaqlara qarşı cinayətləri, o cümlədən qəsdən törədilən qətllər, həbslər, işgəncələr, ən sadə humanitar hüquqlardan məhrum etmək beynəlxalq humanitar qanunlara qarşı aşkar pozuntular və zaman keçdikcə silinməyəcək cinayətlər sayılır.
HƏMAS hərəkatı işğalçı rejimin rəhbərlərinin hərbi cinayətkarlar olaraq mühakimə olunmasını və fələstinli uşaqların bu rejimin cinayətləri qarşında qorunması üçün ciddi səylərin göstərilməsini istəyib.
HƏMAS hərəkatı, həmçinin bildirib: Biz hüquq təşkilatlarından işğalçının cinayətlərini üzə çıxarılması, fələstinli uşaqların qorunması və hüquqlarının təmin olunması ilə bağlı məsuliyyətlərini öhdələrinə almalarını istəyirik.
Bununla əlaqədar olaraq, Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyinin (UNRWA) sözçüsü deyib ki, Qəzzə zolağının sakinlərinin 51%-i uşaqlardır və onlar sionistlərin bombardmanları zamanı həyatını itirənlərin ən çox faizini təşkil edirlər.
O, bildirib ki, Martın 18-də müharibə bərpa olunandan indiyədək hər gün 100 uşaq şəhid olur və yaralanır.
UNRWA sözçüsü onu da qeyd edib ki, Qəzzə zolağının 65 faizi hazırda BMT tərəfindən təhlükəli və ya evakuasiyaya məruz qalan ərazilər kimi müəyyən edilib.