Dünən (cümə axşamı) İsrail rejiminin Qəzzədə Darul-Ərqəm məktəbini bombalaması nəticəsində HƏMAS-ın danışıqlar qrupunun rəhbəri Xəlil əl-Həyyənin ikinci nəvəsi şəhid olub.
İşğalçı İsrail ordusunun dünənki bombardmanı nəticəsində yaralanan Həmas İslami Müqavimət Hərəkatının danışıqlar qrupunun rəhbəri Xəlil əl-Həyyənin nəvəsi Xəlil İzzəddin əl-Həyyə (8 yaşında) aldığı ağır xəsarətlər səbəbilə bu gün səhər saatlarında dünyasını dəyişib.
Bu, Xəlil əl-Həyyənin Qəzzədəki bombardmanlar nəticəsində şəhid olan ikinci nəvəsidir.
Xəlilin kiçik qardaşı olan 2 yaşlı uşaq “Məhəmməd İzz Xəlil əl-Həyyə” də dünən İsrail qırıcılarının Qəzzənin şərqində yerləşən Dərul-Ərqam məktəbini vəhşicəsinə bombalaması nəticəsində şəhid olub.
Media mənbələri bildirib ki, dünən (cümə axşamı günü) sionist rejimin Qəzzə zolağında yerləşən “Darul-Ərqəm” məktəbinə etdiyi hücum nəticəsində 100-dən çox insan şəhid olub və yaralanıb. Sionist rejimin qırıcıları fələstinli qaçqınlarla dolu olan bu məktəbi üç ağır raketlə hədəfə alıblar.