Google-də sionist rejimlə bağlanan müqaviləyə etirazlar çoxalır
Google işçiləri bu şirkətin sionist rejimlə bağlanmış 1,2 milyard dollarlıq müqaviləyə etiraz edərək bu cinayətkar ölkəyə texnoloji xidmətlərin qarşısının alınmasını tələb edirlər.
Fars xəbər agentliyinin verdiyi məlumata görə Google işçilərinin sionist rejim ordusu ilə texnoloji xidmətlər barədə bağlanan müqaviləyə etirazları genişlənməkdədir. Bu şirkətin bir qrup işçisi “aparteid rejiminə yox” adlı kompaniyası başlayıb və bu kompaniya iştirakçılarının çoxalmasına çalışırlar.
Özlərinin sürgün olunmuş yəhudi olduqlarını deyən Google-in bu işçiləri sionist rejim ordusu ilə bağladığı böyük müqavilənin ləğv olunması üçün bu kompaniya vasitəsilə şirkəti təzyiqə məruz qoyacaqlarına ümid edirlər. Onların nəzərində bu müqavilə sionist rejimə bu xidməti verməklə Fələstin xalqı əleyhinə cinayətlərə dəstək deməkdir.
“Aparteid rejiminə yox” və “Nimbus” layihəsinin baş müxalifi, həmçinin Google marketing şöbəsinin müdiri və Ariel Koren də var. Ariel Koren çərşənbə axşamı günü “Nimbus” layihəsinə etiraz əlaməti olaraq istefa verdiyini elan edib. Googledə 7 il iş stajı olan bu qadın deyib ki, şirkət ona “ya Braziliyadakı ofisə transfer ol, ya da istefa ver” xəbərdarlığı verib.
A.Koren istefanaməsində yazıb: “Google son zamanlar hərbi müqavilələr ardıncadır. Məcburiyyət qarşısında qoyma statusu ilə
mən idarə sistemində“sükut” ya “töhmət” versiyası ilə üzbəüzəm və digər işçilərin də fikirlərinə önəm verilmir.
A.Koren ərizəsində yazıb: Digər cəmiyyətlərdə olduğu kimi yəhudilərin də siyasi təfəkkür tərzi və tarixi cəhətdən fərqlilikləri var. Bəli, onlar da İsrail rejiminə qarşı öz fərqli fikirlərə sahibdirlər. Milyonlarla yəhudi İsrail rejiminin fələstinlilərə qarşı zülmkarlığına müxalifdir. Google də bunu yaxşı bilir və “Nimbus” layihəsi kimi müqavilələrə imza ataraq iqtisadi mənfəətinə üstünlük verərək qəsdən yüzlərlə səsi boğmağa çalışır.
Xatırladaq ki, A.Korenin istefasına reaksiya olaraq Google-in yüzlərlə işçisindən əlavə şirkətdən kənarda olan 25000 nəfər də bu qadının işinə davam etməsi haqda etiraz ərizəsi imzalayıb.
A.Korendən başqa Google-in digər işçiləri də “Texnologiya şöbəsinin sürgündə olan yəhudiləri” qrupu yaradaraq şirkətə istefa ərizəsi təqdim ediblər.
“Texnologiya şöbəsinin sürgündə olan yəhudiləri” qrupu həmçinin fələstinlilər əleyhinə ayrı-seçkilik barədə bəyannamə də yayımlayıblar. Ötən günlər ərzində Google-n San-Fransisko filialının bir ofisində bu şirkətin kadrlar şöbəsinin 6 nəfəri bir neçə “Fələstin insan haqları müdafiəçisi ilə birlikdə bu xüsusda mətbuat konfransı da keçiriblər. Gələn həftə isə bu aktivistlər bir neçə şəhərdə “Aparteid rejiminə yox” adlı aksiya keçirəcəklərini deyiblər.
Google müdirləri “New York Times” qəzetinə müsahibə verərək iddia ediblər ki, bu şirkət sadəcə İsrail rejiminin yüksək səviyyəli dicital inqilabına səbəb ola biləcək super-texnoloji xidmətlər vermək istəyir. Belə ki, bu xidmətlər sayəsində İsrailin iqtisadi, tibbi-sanitariya, nəqliyyat, təhsil və rabitə sistemində klassifikasiya olunmuş çox həssas və böyük irəliləyişlər olacaq.
Google rəsmilərinin bu iddialarına rəğmən əldə olan informasiyalara əsasən, Google sionist rejimə insanların psixoloji və emossional hisslərini tanımaq potensialı olan bir proqram hazırlayıb. Bu proqram insanların üzündə olan cizgilərdən və yaxud bir gorüntüdə olan insanın hissləri və düşüncələri oxuya biləcək.
Son illərdə Google işçilərinin etirazı barədə informasiyalar çoxlamağa başlayıb və əksər hallarda onlar şirkətin siyasətləri ilə razılaşmadıqlarını elan edir və müdirlər tərəfindən tutulan mövqeyə tənqidlə yanaşırlar. Əlbəttə bu etiazlara başçılıq edənlər də gizlin-aşkar məcburi istefa ərizəsi ilə işdən kənarlaşdırılırlar.