Əqsa Fırtınası əməliyyatının 45-ci günü Qəzzədəki xəstəxanaların, məktəblərin və fələstinlilərin yaşayış məskənlərinin bombalamasının davam etməsinin ardınca fələstinli şəhidlərin sayının 13 300 nəfəri keçdiyi halda başlayıb. Eyni zamanda sionist rejiminin ən son cinayətkar addımlarında Qəzzədəki İndoneziya xəstəxanasına artilleriya hücumu nəticəsində 8 nəfər şəhid olub və bir sıra insan isə yaralanıb.
Qəzzədəki fələstinli mənbələrin elan etdikləri son statistikaya əsasən, sionist rejiminin təcavüzkarlığı başlayandan bazar gününə qədər bu hücumlarda şəhid olanların sayı 13 mini keçib. Bunlardan 5 600-dən çoxu uşaq və 3 550 nəfəri isə qadındır.
Qəzzə zolağındakı Fələstin müqavimət qüvvələri 7 Oktyabr 2023-cü il tarixində işğalçı rejimin davamlı cinayətlərinə, o cümlədən fələstinlilərin öldürülməsi, Əl-Əqsa məscidinə qarşı hörmətsizlik, oranın mühafizəçilərinə qarşı təcavüzkarlıq və sionist hərbiçilərinin dəstəyi ilə köçkünlərin hücumuna reaksiya verərək, “Əqsa Fırtınası” adlı əməliyyat keçirməklə Qüds işğaçılarının mövqelərini və bazalarını atdıqları onlarla raketlə hədəfə alıblar.
Sionist rejimi bu məğlubiyyətin ardınca, Əqsa Fırtınası əməliyyatı baş verən gündən indiyədək davamlı və cinayətkar hücumlarla, o cümlədən yaşayış məntəqələrinin davamlı bombalanması, dinc əhalinin, qadınların və uşaqların öldürülməsi, Qəzzədəki fələstinlilərin su və elektriyinin kəsilməsi, xəstəxanaların və təcili yardım maşınlarının bombalanması kimi kollektiv cəzalandırma sayılan hərbi cinayət siyasətinin icra olunması, ağ fosfora malik bombalar da daxil olmaqla, qadağan olunmuş silahların istifadəsi ilə məşğuldur.