Fələstin Jurnalistləri Müdafiə Mərkəzi (PJPC) və Fələstin Media Klubu Qəzzə şəhərinin bombalanması zamanı fələstinli jurnalist “İman Hatəm Şanti”nin, həyat yoldaşı və 3 oğlu ilə birlikdə şəhid olmasına reaksiya verərək, bu cinayətkarlığı pisləyib.
Fələstin İnformasiya Mərkəzi çərşənbə günü (dünən) bəyanat verməklə bildirib ki, (36 yaşlı) Şanti radio şəbəkəsinin müxbiri və “Əqsanın səsi” radio proqramlarının aparıcısı idi. O, sosial şəbəkələrdə “Dastanın əsli” proqramının aparıcısı kimi tanınırdı.
Şanti dünən səhər sionist qırıcıları tərəfindən Qəzzə şəhərindəki mənzilinin bombalanması nəticəsində şəhid olub.
Fələstin Jurnalistləri Müdafiə Mərkəzi qeyd edib ki, bu jurnalist şəhid olmazdan öncə Facebook sosial səhifəsində “Hələ sağ qalmağımız ağlabatandır…Allah şəhidlərə rəhmət etsin!” yazmışdı.
Şantinin şəhid olması ilə sionist ordusunun 2023-cü ilin Oktyabr ayının 7-dən etibarən Qəzzədə başlatdığı soyqırım müharibəsindən indiyə qədər şəhid olan jurnalistlərin sayı 193 nəfərə çatıb və digər 396 jurnalist isə yaralanıb. Sionist rejimi, həmçinin 40 jurnalisti də həbs edib.