Fələstin Əsirlər Araşdırmaları Mərkəzi Əl-Əqsa qiyamının 21-ci il dönümü münasibəti ilə verdiyi hesabatda bu illər ərzində həbs olunmuş və şəhadətə çatmış fələstinlilərin sayı barədə məlumat verib.
Bu hesabatda deyilib ki, 2000-ci ildə Əl-Əqsa qiyamı baş verən zamandan 2021-ci ilə qədər 130 min fələstinli, o cümlədən 2 364 qadın və 18 500 uşaq həbs olunub.
Bu hesabata əsasən, işğalçı İsrail rejimi bu illər ərzində həbs etmə siyasəti vasitəsilə Fələstin xalqının müqavimətini uğursuzluğa düçar etməyə çalışıb. Bu səbəblə də on minlərlə insanı, xüsusilə 2002-ci ildə İordan çayının qərb sahillərini yenidən işğal etdikdən sonra həbs edib, bir halda ki, bu qiyam baş verən zaman işğalçı rejimin zindanlarında yalnız 700 əsir olub.
Xarici KİV-in verdiyi məlumata görə, sionist rejimi Əl-Əqsa qiyamından sonrakı ilk illərdə fələstinlilərin həbsini artırıb və elə bir həddə çatdırıb ki, fələstinli məhsubların sayı bir anda 12 minə çatıb.
Sionist rejimi bu illər ərzində 2 364 qadın və qızı da həbs edib. Əl-Əqsa qiyamı baş verən zaman işğalçı rejimin zindanlarında, hətta bir uşağın belə olmadığına baxmayaraq, bu illər ərzində həbs olunmuş 18 yaşından kiçik uşaqların sayı 18 500-ə çatıb və saxlanma zamanı onlarla uşağa atəş açılıb.
Fələstin Əsirlər Araşdırmaları Mərkəzi öz hesabatında yazıb ki, hal-hazırda (2021-ci il) fələstinli məhbus uşaqların sayı 220-dir. Onlar Ufər, Məcdu, Əd-Damun həbsxanalarında və təcridxanalarda məhbus həyatı yaşayırlar.
Həmçinin, Əl-Əqsa qiyamından indiyə kimi (2021-ci il) əksəriyyəti Qəzzə əhalisindən olan 2 194 uşaq şəhid edilib.
Ötən 21 il ərzində 103 fələstinli də şəhid edilib. Beləliklə də sionist rejimi zindanlarında ağır işgəncələr altında və müalicələrinə əhəmiyyətsiz yanaşma nəticəsində şəhid olanların sayı 226 nəfərə çatıb.